Orðrómur um yfirvofandi skilnað Bieber-hjónanna
Setja bókamerki
Lagahöfundurinn og söngvarinn, Justin Bieber, og fyrirsætan Hailey Bieber virðast klóra í bakkann samkvæmt orðrómi Vestanhafs, en skilnaður er sagður yfirvofandi.
Nokkuð víst er að Justin hefur átt erfitt upp á síðkastið en hann hefur verið duglegur að setja inn myndbönd á samfélagsmiðla, af sér að reykja – eitthvað annað en sígarettur.
Allt virðist þó með kyrrum kjörum hjá Hailey sem setti inn myndir á Instagram af sér og Jack, syni þeirra Justins.
Jack fæddist í ágúst á síðasta ári og myndirnar eru lýsandi fyrir fallegt samband móður og barns. Hailey lítur vel út á myndunum, með lítinn farða, þar sem hún horfir í augu sonar síns. Þá fagnaði hún einnig alþjóðlegum baráttudegi kvenna með því að setja inn gamla bumbumynd af sér með orðunum: „Til hamingju með alþjóðlegan baráttudag kvenna. Móðurhlutverkið er eitt það villtasta og svalasta sem hægt er að gera.“
Sykursæti söngvarinn virðist ekki hafa átt sjö dagana sæla en hann birtist ítrekað á myndum með bauga undir augum og illa útlítandi. Þá er hann sagður hafa hellt sér yfir blaðaljósmyndara á meðan hann snæddi morgunverð með Hailey í síðasta mánuði.
Á viðburði snyrtivörumerkis Hailey, Rhode, í Los Angeles í síðasta mánuði gátu viðstaddir ekki betur séð en Justin væri ekki alveg edrú.
Fyrir aðeins tveimur vikum reyndi Justin að gera lítið úr áhyggjum yfir hegðun sinni í viðtali við fréttamiðilinn TMZ, en á sama tíma segir heimildarmaður að Hailey hafi ekki staðið á sama um framkomu hans síðustu misseri.
Öryggisþjónustan skaut mann nærri Hvíta húsinu
„Eins og að vakna upp í allt öðru lífi“
650 milljarðar til að gera upp skuldir ÍL-sjóðs
Kvarta undan háttsemi Storytel
Telja sig starfa hjá löglegum fyrirtækjum
Hver hraðahindrun kostar minnst 20 milljónir