Sögð hafa hagað sér eins og díva
Setja bókamerki
Tengdar fréttir
Poppkúltúr
Bandaríska stórsöngkonan Mariah Carey hlaut heiðursverðlaun (e. Icon Award) fyrir framlag sitt til tónlistar á iHeart Radio Music-verðlaunahátíðinni í Los Angeles á mánudagskvöldið.
Söngkonan, sem fagnar 56 ára afmæli sínu í næstu viku, mætti á hátíðina ásamt kærasta sínum, hinum 39 ára gamla rappara Anderson Paak, og fylgdist með skemmtiatriðum og sérstökum flutningi Muni Long og Tori Kelly sem fengnar voru til að flytja nokkur af þekktustu lögum Carey áður en söngkonan steig á svið til að taka á móti verðlaununum.
Setti upp vanþóknunarsvip
Carey, sem hefur löngum verið þekkt fyrir að vera mikil díva, virtist lítt hrifin af flutningi Long á lagi hennar We Belong Together ef marka má myndskeið sem náðist af Carey að hlýða á söng Long úr sæti sínu í Dolby-kvikmyndahúsinu.
Í myndskeiðinu má sjá Carey setja upp vanþóknunarsvip, snúa höfði sínu og glotta.
Myndskeiðið hefur farið eins og eldur í sinu um heimsbyggðina síðasta sólarhringinn og hafa fjölmargir deilt því og ritað athugasemdir.
„Mariah Carey er ekki hrifin af þessu og er alls ekki að reyna að fela það,“ skrifaði einn aðdáandi söngkonunnar á samfélagsmiðlasíðunni X, áður þekkt sem Twitter.
Minntist ekki á flutninginn
Það var rapparinn LL Cool J sem veitti Carey heiðursverðlaunin við mikinn fögnuð viðstaddra.
Í þakkarræðu sinni minntist hún ekki einu orði á tónlistarflutning þeirra Long og Kelly.
Carey þakkaði móður sinni heitinni, Patriciu Carey, fyrir óbilandi stuðning í gegnum árin og tónlistargjöfina.
„Á þessum degi heilags Patreks vil ég heiðra móður mína Patriciu Carey fyrir að gefa mér tónlistargjöfina í vöggugjöf.“
Tengdar fréttir
Poppkúltúr
„Aldrei verið jafn nálægt því að semja um frið“
Myndskeið: Rússar herja á miðborg Kænugarðs
Sviptingar í Geldinganesmáli
Tölvupóstsamskipti sýna fram á ósamræmi
Stór truflun í kerfi Landsnets
Samþykkja að láta af loftárásum á orkuinnviði
Taldi sig og börnin sín í hættu
Hávær mótmæli fyrir utan ríkisstjórnarfund