Voru skilin þegar hann fannst látinn
Setja bókamerki
Leikkonan Aubrey Plaza og eiginmaður hennar heitinn, leikstjórinn Jeff Baena, höfðu verið aðskilin í fjóra mánuði þegar hann fannst látinn á heimili sínu í Los Angeles þann 3. janúar síðastliðinn.
Þetta kemur fram í nýrri skýrslu frá dánardómstjóra í Los Angeles.
Baena og Plaza fóru hvort í sína áttina í september.
Plaza staðfesti skilnað þeirra í símasamtali við lögreglu daginn sem Baena fannst látinn, en hún var þá flutt til New York.
Leikkonan tjáði sig um andlát Baena í yfirlýsingu sem send var á Page Six örfáum dögum eftir andlátið.
„Þetta er ólýsanlegur harmleikur. Við þökkum fyrir veittan stuðning og hlýhug í okkar garð. Við biðjum ykkur að virða friðhelgi einkalífsins á þessum erfiðu tímum,“ sagði í yfirlýsingu frá Plaza og fjölskyldu Baena.
Plaza og Baena gengu í hjónaband á heimili sínu árið 2020 eftir tíu ára samband.
Hans fyrsta mynd, Life After Beth, kom út árið 2014 og lék Plaza eitt af aðalhlutverkum myndarinnar.
Embætti landlæknis bendir á að mikilvægt sé að þeir sem glíma við sjálfsvígshugsanir segi einhverjum frá líðan sinni, hvort sem er aðstandanda eða hafi samband við Hjálparsíma Rauða krossins 1717, eða á netspjalli 1717.is, við hjúkrunarfræðing í netspjalli á heilsuvera.is eða við ráðgjafa í síma Píeta-samtakanna s. 552-2218. Píeta-samtökin bjóða einnig upp á ráðgjöf og stuðning fyrir aðstandendur þeirra sem glíma við sjálfsvígshugsanir.
Fyrir þau sem misst hafa ástvin í sjálfsvígi bendir landlæknisembættið á stuðning í sorg hjá Sorgarmiðstöðinni í síma 551-4141 og hjá Píeta-samtökunum í síma 552-2218.
Gætum séð fjölgun ferðamanna frá Evrópu
Laun verið hækkuð 250% umfram svigrúm
Kannast ekki við mistök: Guðmundur stendur við orð sín
Ásthildur Lóa segir af sér
Austurálma KEF opnuð: „Erum svolítið að fullorðnast“
Inga: „Flokkur fólksins segir nei“
Hafna því að erindið hafi lekið úr ráðuneytinu
Barnamálaráðherra átti barn með 15 ára dreng