Er þetta heitasta parið um þessar mundir?
Setja bókamerki
Sílenski leikarinn Pedro Pascal og bandaríska leikkonan Jennifer Aniston eru sögð vera að stinga saman nefjum þessa dagana, en þau sáust yfirgefa veitingastaðinn Tower Bar á Sunset Tower-hótelinu í Hollywood á laugardagskvöldið.
Parið reyndi eftir bestu getu að láta lítið fyrir sér fara en að sögn viðstaddra þá spjölluðu Pascal og Aniston langt fram á kvöld og virtust njóta félagsskapar hvort annars.
Pascal skaust upp á stjörnuhimininn árið 2015 í þáttaröðinni Narcos og hefur leikið hvert stórhlutverkið á fætur öðru síðan. Hann hefur haldið einkalífi sínu úr sviðsljósinu og því er lítið vitað um sambandssögu leikarans, en orðrómur um kynhneigð Pascal hefur verið á kreiki síðustu ár.
Aniston varð heimsfræg á 10. áratugnum þegar hún fór með hlutverk hinnar stórskemmtilegu Rachel Green í gamanþáttaröðinni Friends. Leikkonan hefur um árabil verið ein eftirsóttasta leikkonan í Hollywood og farið með ótal burðarhlutverk í bæði kvikmyndum og þáttaröðum.
Aniston er tvískilin. Hún var gift leikaranum Brad Pitt á árunum 2000 til 2005 og Justin Theroux á árunum 2015 til 2017.
„Þessi auma málsvörn sérstaks saksóknara“
„Hérna bara halda menn áfram“
Voru sannfærð um að eldgos væri að hefjast
Hafnarfjarðarbær leysir til sín lóðina
Fyrsta skipti sem að flæddi yfir túnin
Frumvarp um sölu Íslandsbanka samþykkt
Reynt að greina vandann í áratugi án árangurs
Guðmundur: „Hvar hefurðu verið“