Myndir: Eddan afhent

Gleðin var við völd þegar Eddan, verðlaun Íslensku sjónvarps- og kvikmyndaakademíunnar (ÍSKA) var afhent við hátíðlega athöfn á Hilton-hóteli í gær. Kvikmynd ársins var valin Ljós­brot í leikstjórn Rún­ars Rún­ars­son­ar, sem jafnframt var verðlaunaður fyrir bestu leikstjórn. Alls hlaut myndin fimm verðlaun. 

Kvik­mynd­in Snert­ing í leik­stjórn Baltas­ars Kor­máks hlaut flestar Eddur í ár, eða samtals tíu. Myndin var meðal annars verðlaunuð fyrir besta handritið sem Ólafur Jóhann Ólafsson og Baltasar Kormákur skrifuðu í sameiningu. 

Gunn­ur Mart­ins­dótt­ir Schlüter var valin upp­götv­un árs­ins og hjónin Egill Ólafsson og Tinna Gunnlaugsdóttir heiðursverðlaun ársins fyrir ómetanlegt framlag til íslenskrar kvikmyndagerðar.

Rætt er ít­ar­leg­ar við heiður­sverðlauna­hafa árs­ins, þau Egil Ólafs­son og Tinnu Gunn­laugs­dótt­ur, á menn­ing­arsíðum Morg­un­blaðsins á morgun, föstudag.