Birnir með stórtónleika
Setja bókamerki
Tengdar fréttir
Poppkúltúr
Rapparinn Birnir Sigurðarson, eða bara Birnir eins og hann þekkist best, mun halda stórtónleika í Laugardalshöllinni laugardaginn 20. september 2025.
Samkvæmt tilkynningu eru þetta fyrstu tónleikar í höllinni með íslenskum rappara af þeirri kynslóð sem Birnir er og má því segja að um ákveðin tímamót sé að ræða á sviði íslenskrar rapptónlistar.
Sjálfur segist Birnir í færslu á Instagram ætla að „breyta höllinni í klúbb“ og lofar ógleymanlegri upplifun.
„Við erum búnir að vera vinna að þessu í mjög langan tíma og ég er ekkert smá spenntur að upplifa þetta með fólkinu,“ segir Birnir.
Birnir á ófáa slagarana og hver hefur ekki heyrt lögin Já, ég veit, þar sem hann rappar ásamt Herra Hnetusmjöri og Bleikur Rangerover, en með honum í því lagi er Aron Kristinn meðlimur hljómsveitarinnar ClubDub.
Í tilkynningunni segir jafnframt að fleiri munu stíga á svið ásamt Birni, sviðsmyndin verði frumleg og að búast megi við einstakri upplifun.
Miðasala hefst 2. apríl klukkan 10.00.
Tengdar fréttir
Poppkúltúr
Gosið ekki „mjög aðlaðandi“ að sjá frá brautinni
Talsverð tíðindi í könnun Gallup í Reykjavík
Lítið hægt að gera ef hraun rynni að húsum
Byssumaðurinn í Grindavík var handtekinn
Byssumaðurinn: „Versti dagur í mínu lífi“
Ekið á gangandi vegfaranda
Virðist vera „lítill leki“ frá stærri atburði