Nældi sér í annan ungan körfuboltamann
Setja bókamerki
Tengdar fréttir
Poppkúltúr
Raunveruleikastjarnan Larsa Pippen, best þekkt sem ein af húsmæðrunum í raunveruleikaþættinum The Real Housewives of Miami, er sögð vera komin með nýjan kærasta. Sá heppni heitir Jeff Coby og er körfuboltamaður.
Tuttugu ára aldursmunur er á parinu, en Pippen er fimmtug, fædd 6. júlí 1974, og Coby varð 31 árs í byrjun febrúar.
Pippen og Coby voru mynduð í bak og fyrir þegar þau mættu í afmælisveislu raunveruleikastjörnunnar Marysol Patton á veitingastaðnum Maple & Ash í Miami á laugardagskvöldið.
Parið gekk inn á veitingastaðinn hvort í sínu lagi en sameinaðist þegar inn var komið og eyddi restinni af kvöldinu saman.
Pippen er hrifin af yngri mönnum, þá sérstaklega körfuboltamönnum.
Hún átti í eldheitu ástarsambandi við Marcus Jordan, son körfuboltagoðsagnarinnar Michael Jordan, í rúmt ár. Þau fóru hvort í sína áttina snemma á síðasta ári.
Faðir Jordan, einn þekktasti körfuboltamaður sögunnar og fyrrverandi leikmaður Chicago Bulls, var allt annað en sáttur með samband sonar síns og raunveruleikastjörnunnar, en 16 ára aldursmunur er á þeim.
Pippen er einnig fyrrverandi eiginkona Scottie Pippen, fyrrverandi liðsfélaga Jordan og vinar.
Tengdar fréttir
Poppkúltúr
Tollar Trumps: Samanburður á Íslandi og vinaþjóðum
Undirbúa aðgerðir gagnvart Bandaríkjunum
Höfðu ekki ímyndunarafl í svona mikinn mun
Frumvarpið án lögboðins samráðs
„Þorum ekki alveg að segja það strax að þetta sé búið“
Missti líklega stjórn á jepplingnum í hálku
Viðsnúningur í rekstri þjóðkirkjunnar