Rapparanum Drake hefur verið gefið grænt ljós til að skoða viðkvæm fyrirtækjagögn er snúa að deilunum í kringum lag rapparans Kendricks Lamar, Not Like Us.

Drake hafði beðið um aðgang að gögnum Lamars, sem og upplýsingum um laun og bónusa fyrir yfirstjórnendur í plötufyrirtæki hans Universal Music Group (UMG).

Drake sakar fyrirtækið um ærumeiðingar með því að leyfa útgáfu Not Like US og heldur því fram að með laginu sé verið að dreifa „falskri og illgjarnri frásögn“ um að hann sé barnaníðingur.

Universal sótti um frávísun málsins í síðasta mánuði og kallaði atlögu Drakes „órökrétta tilraun“ til að þagga niður í listrænni tjáningu Lamars. Fyrirtækið sótti einnig um að öflun sönnunargagna yrði frestað en í dag fyrirskipaði dómarinn Jeannette A. Vargas að rannsókn yrði haldið áfram.

Málsókn Drake markar nýjan kafla í langvarandi deilum hans við Lamar. Báðir rapparar hafa verið með skítkast í garð hvor annars í lögum sínum, en í einu lagi Drake sakar hann Lamar um heimilisofbeldi.

Universal segir Drake sjálfan hafa nýtt sér útgáfufyrirtækið til að dreifa tónlist sinni sem hefur innihaldið svívirðingar í garð annarra rappara. 

Not Like Us er orðinn stærsti smellurinn á ferli Lamars, sem þó hefur átt ansi góð lög áður og hlaut m.a. Pulitzer-verðlaunin fyrir plötu sína DAMN. Þá flutti hann lagið umdeilda í hálfleik Ofurskálarinnar í febrúar.

BBC 

Tengdar fréttir

Poppkúltúr

Mætti einsamall á frumsýningu

• Helena krýnd Ungfrú Ísland
• Laufey missir stjórn og sekkur í ringulreið
• Irwin í aðalhlutverki í auglýsingu sem segir sex
• Svona lítur „Dewey“ út í dag

» Fleiri tengdar fréttir

Tónlist

Laufey missir stjórn og sekkur í ringulreið

• Kanye West segir Biöncu hafa farið frá sér
• Grenntist með aðstoð þyngdarstjórnunarlyfja
• Fetaði í fótspor föður síns
• Birnir með stórtónleika

» Fleiri tengdar fréttir

• Blogga um frétt