White Lot­us-stjarn­an Aime Lou Wood, ósk­ar þess að fólk hætti að tala um tenn­urn­ar á henni. Breska leik­kon­an hef­ur vakið mikla at­hygli sem Chel­sea í 3. þáttaröð myrku gam­anþátt­anna White Lot­us. Hins veg­ar hafa hæfi­leik­ar henn­ar ekki ein­ung­is vakið at­hygli aðdá­enda þátt­anna held­ur einnig tann­g­arður­inn.

Um helg­ina birt­ist viðtal við Wood í Sunday Times þar sem hún m.a. kom inn á umræðuna um tenn­urn­ar. „Ókei, þetta er flott, en nú vil ég hætta að tala um það.“

Hún sagðist óska þess að svara spurn­ing­um um leik­fer­il­inn eða per­són­una sem hún leik­ur í þátt­un­um. „Það er eins og að nú sé ég ein­ung­is par af fram­tönn­um.“

Þrátt fyr­ir að aðallega séu sagðir já­kvæðir hlut­ir um bros Wood þá er hún enn að venj­ast því að út­lit henn­ar sé heitt umræðuefni. Þá sagði hún einnig í viðtal­inu að auðvitað sé það já­kvætt að tenn­urn­ar, sem á henn­ar yngri árum voru til­efni til einelt­is, séu núna eitt­hvað sem fólk sé að missa sig yfir.

„Þetta er eini hlut­ur­inn sem skil­grein­ir mig.“

Hún bætti við að mynd­bönd með aug­lýs­ing­um um tann­rétt­ing­ar komi reglu­lega upp á In­sta­gram hjá henni. 

Wood sagði áður í viðtali við On Demand Entertain­ment í fe­brú­ar að hún héldi að hún fengi aldrei hlut­verk í Hollywood vegna tann­anna í sér. Svo virðist sem Banda­ríkja­menn séu bara að elska þær.

Page Six

Tengd­ar frétt­ir

Poppkúltúr

Ósátt við for­sjár­kerfið

• Eri­vo fækkaði föt­um fyr­ir plötu­um­slagið
• Óskarstil­nefnd­um hand­rits­höf­undi gert að greiða 219 millj­arða
• Faðir henn­ar þegar byrjaður að skipu­leggja greftr­un­ina
• „Ykk­ur er skít­sama um fólk“

» Fleiri tengd­ar frétt­ir

• Blogga um frétt