Mun bylta tilvist fólks á næstu árum

„Þegar við vor­um öll lokuð inni með okk­ar hugs­un­um var þessi stóra bylt­ing með gervi­greind­ina að byrja. Þá velti ég því fyr­ir mér hvert við vær­um að fara og hvað það væri sem gerði okk­ur mennsk.

Er vél­greind endi­lega gervi­greind eða er hún kannski ein­fald­lega fram­andi greind? Ég horfði því á þessa sviðsmynd, hvert við gæt­um verið að stefna, en málið er að við vit­um það eig­in­lega ekki enn þá.“

„Þegar við vor­um öll lokuð inni með okk­ar hugs­un­um var þessi stóra bylt­ing með gervi­greind­ina að byrja. Þá velti ég því fyr­ir mér hvert við vær­um að fara og hvað það væri sem gerði okk­ur mennsk.“ mbl.is/​Eyþór

Gervi­greind­in er út um allt

Innt­ur eft­ir því hvort mik­ill mun­ur sé á því að semja tónlist upp á gamla mát­ann eða nýta tækn­ina með aðstoð gervi­greind­ar seg­ir Eyþór vél­greind­ina enn tak­markaða.

„Hún hef­ur þó verið að taka stökk, ligg­ur við í hverj­um mánuði núna, og við erum að sjá breyt­ing­ar sem kannski fólk átti ekki von á að gætu náðst. Auðvitað er fólk aðallega búið að sjá þetta í texta og mynd­um en það sem hef­ur kannski komið því á óvart er að gervi­greind­in get­ur verið mjög öfl­ug í því sem við telj­um vera mennskt, eins og t.d. tungu­mál­inu, mynd­um og hljóði,“ seg­ir hann og bæt­ir því við að flest­ir hafi kannski átt von á því að gervi­greind­in myndi leysa fyrst af hólmi ein­föld störf en hún sé hins veg­ar út um allt.

Eyþór seg­ir gervi­greind­ina koma til með að bylta störf­um, list­um og til­vist fólks á næstu árum. mbl.is/​Eyþór

„Hún mun bylta störf­um, list­um og til­vist fólks á næstu árum. Að vissu leyti eru þess­ar breyt­ing­ar eins og Heinz-tóm­atsósa. Fyrst kem­ur lítið og svo kem­ur allt.“

Tek­ur hann verk­föll­in í Hollywood sem dæmi.

„Þau voru að miklu leyti út af gervi­greind­inni því stúd­íó­in hafa rétt á að nota leik­ar­ana áfram í öðrum mynd­um sem þeir ætluðu sér kannski aldrei að leika í. Það sama á við um hand­rits­höf­unda og fleiri. Við sjá­um það líka á umræðunni þessa dag­ana um ís­lenska rit­höf­unda að gervi­greind­in er búin að vera að borða bæk­ur þeirra á laun. Þannig að allt þetta vek­ur spurn­ing­ar um hvað það sé sem geri okk­ur mennsk.

Tit­ill plöt­unn­ar er ákveðið hug­tak í gervi­greind­ar­fræðunum, það er að mann­kynið hef­ur búið til alls kon­ar hluti en yf­ir­leitt hafa það verið dauðir hlut­ir sem við stjórn­um. En þessi afurð er „busy“ og við get­um kallað hana Hið iðna barn eða The Busy Child sem í raun og veru get­ur farið að búa til hluti sjálf­stætt. Það er stór breyt­ing á þróun lífs.“

Eyþór á tvö selló en lang­ar í fleiri. mbl.is/​Eyþór

Spurður í kjöl­farið hvort framtíðin í tón­smíðinni liggi þá í gervi­greind­inni seg­ist hann nokkuð viss um að hún verði notuð í aukn­um mæli.

„Hins veg­ar verðum við líka að horfa á mann­lega þátt­inn og hvað aðgrein­ir okk­ur frá gervi­greind­inni. Ég held að gervi­greind­in sé að vissu leyti eins og speg­ill. Hún lær­ir af okk­ur og við af henni. Það er sama hvort það er í list­um, fram­leiðslu eða öðru, þá erum við að búa til nýja vídd í mann­legu sam­fé­lagi með öfl­ug­asta tóli sem við höf­um haft.“

Eyþór með sellóið sitt úti í nátt­úr­unni á Þing­völl­um. Ljós­mynd/​Vikram Pra­dham

Eyþór hef­ur þegar gert mynd­bönd við þrjú lög af plöt­unni og hafa þau fengið frá­bær­ar viðtök­ur á YouTu­be. mbl.is/​Eyþór

Viðtalið í heild sinni má finna á menn­ing­arsíðum Morg­un­blaðsins á laug­ar­dag­inn, þann 5. apríl, en þar fer Eyþór meðal ann­ars yfir lang­an og far­sæl­an fer­il sinn.