Post Malone á stefnumóti í París
Setja bókamerki
Söngvarinn, rapparinn og lagahöfundurinn, Austin Richard Post eða Post Malone, sást á götum borgar ástarinnar, Parísar, með nýrri kærustu.
Orðrómur hefur verið á kreiki um að Post Malone sé kominn með nýja kærustu og fékkst ágætis staðfesting á því um helgina þegar rapparinn fór á stefnumót með Christy Lee. Áður átti hann í löngu sambandi með unnustu sinni Jamie og á með henni tveggja ára dóttur. Þau hættu saman í lok síðasta árs.
Post Malone hélt í kúrekann, sem hann er, og klæddist aðsniðnum gráum jakkafötum, í skyrtu og með hvítt silkibindi. Á höfðinu bar hann kúrekahatt.
Stefnumótið í París bar að aðeins fáum mánuðum eftir kvöldverð í Róm, þaðan sem orðrómur um að þau væru par spratt upp. Mánuði síðar voru þau stödd saman á bar í Idaho en stutt myndskeið af þeim fór í dreifingu á TikTok í byrjun mars.
Rapparinn hefur ávallt haldið nafni fyrrverandi unnustu sinnar og dóttur leyndu fyrir fjölmiðlum og hefur enn ekkert gefið upp um sambandsslitin.
Skýr merki um landris við Svartsengi
Afleiðingarnar að koma í ljós
Gæsluvarðhald yfir táningsstúlkunum framlengt
„Sá sem notar greiðir fyrir“
„Mér finnst þetta vissulega vonbrigði“
Samruni samþykktur: Forstjóri hyggst stíga til hliðar
Svolítill djammkarl í vísindum