Skrifar um daginn sem hann lést
Setja bókamerki
Bandaríski leikarinn Jeremy Renner lést á nýársdag 2023 en hann var endurlífgaður eftir hrikalegt slys sem hann lenti í þegar hann varð undir snjóruðningstæki.
„Ég gat séð líf mitt. Ég gat séð allt í einu. Það hefðu getað verið tíu sekúndur, fimm mínútur,“ skrifar hann í endurminningabók sinni My Next Breath, sem er nýkomin út. „Ég veit að ég dó ... Þegar sjúkraflutningamennirnir komu tóku þeir eftir að hjartað mitt hafði náð botninum í 18, og 18 slög á mínútu, þá ertu í raun dauður.“
Í bókinni er farið yfir hvað gerðist þegar Renner, sem lék m.a. í kvikmyndinni Avengers, tók til sinna ráða til að bjarga 27 ára gömlum frænda sínum frá því að verða fyrir snjóruðningstæki, sem varð til þess að hann sjálfur lenti undir vélinni.
Ótrúlegt að hann hafði það af
„Sex fjandans hjól, 76 stálblöð, 14.000 punda [6,35 tonna] vél, allt gegnt einum mannslíkama,“ skrifar hann.
„Ég heyrði öll beinin brotna, höfuðkúpu, kjálka, kinnbein, jaxla, herðablöð, sköflunga, lungu augntóftir, höfuðkúpu, mjaðmagrind, fætur, handleggi, húð, springa, smella, klikka, kreista.“
Þrátt fyrir öll beinbrotin var eflaust það hræðilegasta þegar vinstra augað skaust harkalega út úr höfuðkúpunni vegna brotins beins í kringum augntóftina.
„Ég gat séð vinstra augað með hægra auganu,“ skrifar Renner.
Hann missti tæplega sex lítra af blóði en bráðasta hættan var samt ofkæling vegna frostsins í Reno, Nevada, þar sem hann hafði notið hátíðanna með fjölskyldu sinni.
Eftir að hafa verið vistaður á tveimur spítölum, í Reno og svo í Los Angeles, og gengist undir fjölda aðgerða var hann útskrifaður tveimur vikum eftir slysið. Hann segir að það fyrsta sem hann gerði eftir að hann kom heim var að fá sér rauðvínsglas.
Lífskjör best á Íslandi að mati SÞ
„Gríðarlega gaman að fá tugþúsundir nýrra hluthafa“
Ein á vaktinni og kemst ekki yfir allt
Rafhlaupahjólin flokkast sem gangandi vegfarendur
Sér fyrir endann á 25 ára sameiningarferli spítalanna
Laun vangreidd um langt árabil
Hafði ekki gild atvinnuréttindi