Nýrri bók Ragnars vel tekið í Danmörku

Spennu­sag­an Hulda eft­ir Ragn­ar Jónas­son kom ný­verið út í Dan­mörku og ef marka má dóm í dag­blaðinu Politiken kunna frænd­ur okk­ar vel að meta sög­una. Í dómi Bos Taos Michael­is er farið lof­sam­leg­um orðum um bók Ragn­ars og fær hún fimm hjörtu af sex mögu­leg­um. Í fyr­ir­sögn er bók­inni lýst sem glæsi­legri ráðgátu í ís­lensk­um af­dal.

„Ragn­ar Jónas­son kem­ur með vel skrifaðan og æsispenn­andi krimma um hina fálátu og hug­rökku lög­reglu­konu Huldu Her­manns­dótt­ur,“ seg­ir í inn­gangskafla gagn­rýn­inn­ar.

Gagn­rýn­and­inn mót­mæl­ir í upp­hafi gagn­rýn­inn­ar því sem ís­lensk­ur glæpa­sér­fræðing­ur sagði á nor­rænu þingi um þessa bók­mennta­grein um að það væri „ekk­ert sér­stakt við hinn ís­lenska krimma“. Hann skrif­ar að það sé að sjálf­sögðu eitt­hvað al­veg sér­stakt við glæpi og refs­ingu á eyju í Atlants­haf­inu hjá þjóð sem sé stolt af fortíð sinni með Íslend­inga­sög­um, vík­ing­um og ókyrrð nú­tím­ans, með gjald­miðil sem sé jafn fljót­andi og hraun úr eld­fjöll­um sem skeki Ísland með jöfnu milli­bili.