Tvær milljónir manna á tónleikum Lady Gaga
Setja bókamerki
Um tvær milljónir manna komu saman á Copacabana-strönd í Ríó de Janeiró í Brasilíu á ókeypis tónleikum bandarísku tónlistarkonunnar Lady Gaga.
„Brasilía, ég saknaði þín svo mikið,“ sagði stórstjarnan á fyrstu tónleikum sínum í Brasilíu síðan árið 2012.
Tónleikarnir voru vægast sagt glæsilegir og stóðu yfir í tvær klukkustundir.
100 milljónir dollara í hagkerfið
„Lady Gaga er mér allt, ég hef verið aðdáandi frá árinu 2008,“ sagði hinn 23 ára gamli nemi Walter Segundo sem ferðaðist um þrjú þúsund kílómetra frá Sao Luis-borg til þess að vera viðstaddur tónleikana.
Borgarstjórn Ríó telur að um 2,1 milljón manns hafi fylgst með tónleikunum sem eru taldir hafa skilað 100 milljónum dollara í hagkerfið.
Talið er að um hálf milljón manns fleiri hafi verið á tónleikum Gaga miðað við fjöldann sem var á tónleikum Madonnu á sama stað á síðasta ári.
Yfirvöld í borginni vilja halda áfram að halda álíka risatónleika í maímánuði til þess að efla ferðamannaiðnaðinn á þessum tíma árs.
Eduardo Paes borgarstjóri hefur sagt að írska rokkbandið U2 muni einnig koma fram. Ekki er þó komin dagsetning á þá tónleika.
Um fimm þúsund manns sinntu öryggisgæslu á tónleikum Gaga.
Smávirkjunin sem varð að stórmáli
Engin merki um þinglok í nánd
„Til hvers erum við þá með þing?“
Innri endurskoðandi hættur
Mótmæla blokkinni á Birkimel
Ferðamennirnir voru Frakkar í ferðalagi saman