39 þrep á leið í Þjóðleikhúsið

Upp­færsla Leik­fé­lags Hólma­vík­ur á 39 þrep­um í leik­stjórn Ey­vind­ar Karls­son­ar var um helg­ina val­in at­hygl­is­verðasta áhuga­leik­sýn­ing leik­árs­ins 2024-2025 af dóm­nefnd Þjóðleik­húss­ins. Er þetta í 33. sinn sem dóm­nefnd Þjóðleik­húss­ins vel­ur at­hygl­is­verðasta áhuga­leik­sýn­ing leik­árs­ins. 

„Það er sam­dóma álit dóm­nefnd­ar að sýn­ing Leik­fé­lags Hólma­vík­ur á 39 þrep íleik­stjórn Ey­vind­ar Karls­son­ar skuli verða fyr­ir val­inu sem at­hygl­is­verðasta áhuga­leik­sýn­ing leik­árs­ins 2024-2025. 

Sýn­ing­in er unn­in af mikl­um metnaði og gríðarlega­skap­andi hugs­un Um­gjörð sýn­ing­ar­inn­ar er ein­föld en áhrifa­rík og unun að fylgjst með skemmti­leg­um og skap­andi lausn­um þar sem leik­húslist­in er knú­in til hins ítr­asta. Ljós og hljóð eru vel unn­in, af hug­viti og kímni. Leik­gervi og bún­ing­ar eru til fyr­ir­mynd­ar og vel leyst úr per­sónu­fjöld og hraðaskipt­ing­um.

Leik­hóp­ur­inn er smár en mjög sterk­ur og skemmti­leg­ur og sam­band þeirra við áhorf­end­ur feikigott. Leik­kon­urn­ar vinna vel með mik­inn­fjölda hlut­verka og gera hverri og einni per­sónu skýr oggóð skil. Leik- og sköp­un­ar­gleði ráða ríkj­um frá upp­hafi til enda og úr verður heild­stæð og kraft­mik­il sýn­ing.“ seg­ir í um­sögn dóm­nefnd­ar, en hana skipuðu Vala Fann­ell, formaður, Elín Smára­dótt­ir og Odd­ur Júlí­us­son.

Leik­fé­lag­inu býðst að sýna upp­færsl­una í Þjóðleik­hús­inu í lok maí.