Björk verðlaunuð í Cannes

Cornucopia, tón­leika­kvik­mynd Bjark­ar sem frum­sýnd var í Lund­ún­um 1. maí, verður sýnd sam­tím­is í 630 kvik­mynda­hús­um í 33 lönd­um í dag, miðviku­dag­inn 7. maí. Mynd­inni var fagnað með for­sýn­ingu á Íslandi í fe­brú­ar fyrr á þessu ári, en verður nú aft­ur sýnd fimm sinn­um, dag­lega frá 7. maí til 11. maí í Bíó Para­dís.

Þá hef­ur verið til­kynnt að Cornucopia verði sýnd á kvik­mynda­hátíðinni í Cann­es 22. maí, en við það tæki­færi verður Björk af­hent um­hverf­is­verðlaun hátíðar­inn­ar sem nefn­ast The Humann Prize. Viður­kenn­ing­una fær hún „fyr­ir sitt mikla fram­lag sitt til áhrifa í gegn um list­ir og aktív­isma,“ eins og seg­ir í til­kynn­ingu frá Smekk­leysu. 

Björk á frum­sýn­ing­unni í Lund­ún­um í upp­hafi mánaðar. Ljós­mynd/​Viðar Logi

„Með tónlist sinni, gjörn­ing­um og áber­andi sjón­ræn­um al­heimi vek­ur Björk vit­und um viðkvæmni plán­et­unn­ar okk­ar og býður okk­ur að endurí­mynda sam­band okk­ar við jörðina. [...] Cornucopia er sjald­gæf teg­und heild­arlist­ar [...] hugsað sem per­sónu­leg­asta og metnaðarfyllsta verk­efni Bjark­ar til þessa.“

Hundruð ein­stak­linga komu að mynd­inni

Sam­kvæmt upp­lýs­ing­um frá Smekk­leysu komu hundruð ein­stak­linga að gerð mynd­ar­inn­ar, þar af fjöl­marg­ir ís­lensk­ir bæði á bak við tjöld­in og á sviðinu með Björk, má þar nefna Hamra­hlíðarkór­inn, flautu-sept­ett­inn Vii­bra og Berg Þóris­son. Leik­stjóri kvik­mynd­ar­inn­ar er Ísold Ugga­dótt­ir og fram­leiðandi Sara Nassim.

Ísold Ugga­dótt­ir leik­stjóri mynd­ar­inn­ar í Lund­ún­um. Ljós­mynd/​Viðar Logi

„Cornucopia kom út á Apple Music og AppleTV+ þann 24. janú­ar síðastliðinn í styttri út­gáfu, um klukku­stund að lengd, en í bíó­hús­um er kvik­mynd­in í fullri lengd, eða um 90 mín­út­ur. Mynd­in er byggð á sam­nefndri tón­leik­sýn­ingu þar sem Björk kann­ar sam­band mann­fólks við nátt­úru og tækni í gegn­um tónlist. Breiðskíf­an Utopia er í for­grunni en einnig eru flutt lög af Foss­ora og fyrri lög flétt­ast inn í frá­sögn­ina. Snert er á fjöl­mörg­um mál­um sem eru lista­kon­unni hug­leik­in, til að mynda um­hverf­is­mál­um, jafn­rétti og femín­isma.

Brot úr mynd­inni hef­ur fengið að taka yfir Picca­dilly Lig­hts-ljósa­skiltið á Picca­dilly Circus í Lund­ún­um. Ljós­mynd/​Viðar Logi

Kvik­mynd­in hef­ur fengið mikla at­hygli bæði hér heima og í er­lend­um fjöl­miðlum og spann­ar um­fjöll­un­in fjölda forsíðuviðtala til dæm­is í GQ Magaz­ine, Obser­ver, Le Monde, DN.SE og svo mætti lengi telja. Björk kom einnig fram í myndviðtali í fyrsta sinn í tíu ár þar sem Zane Lowe er spyrj­andi fyr­ir hönd Apple Music. Í sum­um viðtal­anna er einnig minnst á Cornucopia-bók­ina, 480 blaðsíðna mynda­bók sem skrá­ir fimm ára ferð Cornucopiu. Hönn­un­in var unn­in af M/​M Par­is og ljós­mynd­ir Santiago Felipe prýða blaðsíðurn­ar. Bók­in kom út á Íslandi í des­em­ber á síðasta ári og er fá­an­leg í helstu bóka­búðum.“

Brot úr mynd­inni hef­ur fengið að taka yfir Picca­dilly Lig­hts-ljósa­skiltið á Picca­dilly Circus í Lund­ún­um. Ljós­mynd/​Viðar Logi

• Blogga um frétt