Drengurinn Fengurinn fær styrk

Útdeilt hef­ur verið úr Minn­ing­ar­sjóði Svavars Pét­urs Ey­steins­son­ar í annað sinn.

Eg­ill Logi Jónas­son, sem geng­ur und­ir lista­manns­nafn­inu Dreng­ur­inn Feng­ur­inn, hlýt­ur einn­ar millj­ón króna styrk úr Minn­ing­ar­sjóði Svavars Pét­urs Ey­steins­son­ar í ár, til að vinna að verk­efn­inu Dream­boy Syndica­te sem held­ur utan um alla lists­sköp­un Eg­ils Loga sem býr og starfar á Ak­ur­eyri.

„Eg­ill er mjög af­kasta­mik­ill listamaður sem legg­ur bæði stund á mynd­list og tónlist og hef­ur gefið út fjöl­marg­ar breiðskíf­ur. Inn­an verk­efn­is­ins er einnig prent­verk, tón­listar­út­gáfa, tón­leika­hald, hljóðver, nor­rænt sam­starf og fleira,“ seg­ir í til­kynn­ingu.

„Mér finnst mik­il­vægt að láta verk­in tala og því er ég mikið að vinna með það að láta vaða. Það geri ég til að vera á und­an sjálfs­ef­an­um. Það sem ein­kenn­ir mína list og tónlist er kannski að ég er ekk­ert endi­lega að vinna verk þangað til að ég tel að þau séu full­kom­in. Ég hef reynt það en þá end­ar maður oft­ast á því að fest­ast í óöryggi og skil­ar svo kannski engu af sér. Ég held að það sé vax­andi löngun í mann­leg og hrá verk á tímum gervi­greind­ar og full­komn­un­ar. Tölvur eru full­komn­ar, fólk er gallað og það er fal­legt,“ seg­ir Eg­ill.

Hátt í fjör­tíu um­sókn­ir bár­ust í sjóðinn í ár en í rök­stuðningi stjórn­ar seg­ir: „Verk­efnið er frum­kvöðlastarf sem er keyrt áfram af mikl­um drif­krafti, hug­sjón og skýrri sýn. Verk­efnið er jafn­framt vel af­markað og með skýra áætl­un.“

Stjórn sjóðsins skipa Berg­lind Häsler, formaður, Elsa Þórey Ey­steins­dótt­ir, fram­kvæmda­stjóri, Bene­dikt Her­mann Her­manns­son, Björn Kristjáns­son og Guðfinna Mjöll Magnús­dótt­ir.

Eg­ill ásamt stjórn sjóðsins. Ljós­mynd/Þ​ór­unn Hafstað

Um sjóðinn:

Minn­ing­ar­sjóður Svavars Pét­urs var stofnaður árið 2023 með það að leiðarljósi að halda minn­ingu ein­staks lista­manns á lofti, en Svavar Pét­ur lést úr krabba­meini 29. sept­em­ber árið 2022. Svavar Pét­ur var best þekkt­ur sem tón­list­armaður­inn Prins Póló. Hann var ein­stak­lega kraf­mik­ill, vinnu­sam­ur, fjöl­hæf­ur og fram­taks­sam­ur tón­list­armaður, mynd­list­armaður, hönnuður, mat­væla­fram­leiðandi, frum­kvöðull og bóndi sem veitti fjölda fólks inn­blást­ur með verk­um sín­um og vinnu, hug­myndauðgi, kjarki og þori.

Mark­mið sjóðsins er að styðja við lista­menn og frum­kvöðla sem vinna með ein­hverj­um hætti í sama anda og Svavar Pét­ur. Stjórn sjóðsins hef­ur unnið öt­ul­lega að fjár­mögn­un hans með fjöl­mörg­um verk­efn­um.

Í sam­starfi við 66°Norður var gerð flí­speysu­út­gáfa af Haust­peysu Prins­ins. Peys­an var hönnuð af Svavari Pétri í sam­starfi við 66°Norður, og var ágóði af sölu til­einkaður sjóðnum. Einnig stóð stjórn sjóðsins fyr­ir Hátíð hirðar­inn­ar: Af­mælis­tón­leik­um Prins Póló, þar sem fjöl­marg­ir tón­list­ar­menn komu fram og gáfu vinnu sína fyr­ir málstaðinn. Þá var myndaður Hlaupa­hóp­ur Hirðar­inn­ar þar sem gal­vask­ir hlaup­ar­ar hlupu og söfnuðu áheit­um í Reykja­vík­ur­m­araþoni Íslands­banka. Og að sjálf­sögðu verður aft­ur hlaupið fyr­ir Minn­ing­ar­sjóðinn í Reykja­vík­ur­m­araþon­inu í sum­ar.

Þeim sem vilja leggja sjóðnum lið með sam­starfi, vinnu­fram­lagi eða ein­hverju allt öðru er bent á að hafa sam­band, havari@havari.is. Þau sem vilja styðja við sjóðinn með fjár­fram­lagi er bent á að milli­færa á reikn­ing: 0133-26-9936 kt. 650423-2830.

Eg­ill fagn­ar. Ljós­mynd/Þ​ór­unn Hafstað

• Blogga um frétt