Síðustu forvöð að bjarga innsetningunni

For­varsla sta­f­rænna og tíma­tengdra miðla í list­um verður eitt viðfangs­efna málþings sem haldið er af Vasul­ka Foundati­on og BERG Contemporary á morg­un, laug­ar­dag, kl.13 í Nor­ræna hús­inu.

Málþingið ber titil­inn Steina og Woo­dy Vasul­ka – Varðveisla arf­leifðar: For­varsla tíma­tengdra miðla í sam­hengi við inn­setn­ingu Woo­dy Vasul­ka, The Brot­her­hood.

Varpað verður ljósi á brautryðjandi starf og áhrifa­mik­il verk Steinu og Woo­dy Vasul­ka, ásamt varðveislu sta­f­rænna og tíma­tengdra miðla, í sam­hengi við lyk­il­verk Woo­dys, „The Brot­her­hood“ (1990-1998), sem nú er sýnt í BERG Contemporary og er talið eitt af höfuðverk­um lista­manns­ins eft­ir því sem fram kem­ur í til­kynn­ingu.

Á málþing­inu koma sam­an virt­ir fagaðilar úr heimi sam­tíma­lista og for­vörslu marg­miðla og deila þekk­ingu sinni og inn­sýn. Kafað verður í verk Steinu og Woo­dy Vasul­ka og fjallað um var­an­leg áhrif þeirra á sam­tíma­list­ir og tækni, auk þess sem rætt verður um þær áskor­an­ir og tæki­færi sem fel­ast í varðveislu og túlk­un tíma­tengdra verka, með sér­staka áherslu á verkið The Brot­her­hood.

„Í raun má segja að þetta voru síðustu for­vöð að bjarga inn­setn­ing­unni því þeir sem komu að verk­inu og þekktu til voru ým­ist hætt­ir störf­um sök­um ald­urs eða látn­ir,“ seg­ir Ingi­björg Jóns­dótt­ir fram­kvæmda­stjóri BERG Contemporary um lista­verk Vasul­ka en nán­ar er rætt við hana á menn­ing­arsíðum Morg­un­blaðsins á morg­un.

Fyr­ir­les­ar­ar eru Patrícia Falcão, for­vörður tíma­tengdra miðla frá Tate, Joey Hein­en, sta­f­rænn varðveislu­stjóri frá LACMA, Ingi­björg Jóns­dótt­ir, fram­kvæmda­stjóri BERG Contemporary, Christoph­er King, aðstoðarfor­vörður tíma­tengdra miðla frá Tate, Geor­ge Morr­is for­vörður tíma­tengdra miðla frá Tate, Margit Rosen, list­fræðing­ur og sýn­ing­ar­stjóri frá ZKM, Hall­dór Björn Run­ólfs­son, list­fræðing­ur og fyrr­um safn­stjóri Lista­safns Íslands og Krist­ín Scheving, safn­stjóri Lista­safns Árnes­inga og fram­kvæmda­stjóri Vasul­ka Foundati­on. Frítt er inn og all­ir vel­komn­ir.

The Brot­her­hood er verk eft­ir Woo­dy Vasul­ka. Eggert Jó­hann­es­son

• Blogga um frétt