Stemn­ing­in í Basel er raf­mögnuð um þess­ar mund­ir en Eurovisi­on fer fram í sviss­nesku borg­inni næstu daga.

Þúsund­ir aðdá­enda streyma að St. Jak­obs­halle, sem rúm­ar 12.400 manns, þar sem tvenn­um undanúr­slit­um verður hleypt af stokk­un­um á þriðju­dag og fimmtu­dag og sjálft úr­slita­kvöldið fer fram næsta laug­ar­dag.

Blaðamenn mbl.is eru komn­ir á staðinn og munu flytja les­end­um helstu frétt­ir af því sem fram fer næstu daga.

Fyrsta lag kvölds­ins verður ís­lenskt

Ísland fær það ein­staka hlut­skipti að opna fyrri undan­keppn­ina á þriðju­dags­­kvöldið kl. 19 að ís­lensk­um tíma, þegar VÆB-bræðurn­ir flytja vin­sæla smell­inn „Róa“. Þeir setja þannig tón­inn fyr­ir 15 keppn­is­lög kvölds­ins.

Bræðurn­ir unnu Söngv­akeppni sjón­varps­ins fyrr á ár­inu og sögðu í til­kynn­ingu á sam­fé­lags­miðlum: „We are Væb and we're com­pet­ing for Ice­land in Eurovisi­on … Let's go!“

Frétt af mbl.is

VÆB vann Söngv­akeppn­ina

Væb-æðið ekki bara heima

Vin­sæld­ir VÆB-bræðranna hafa náð óvænt­um hæðum heima fyr­ir – svo mjög að stór hluti ís­lenskra barna klæddi sig upp sem bræðurn­ir á ösku­dag­inn.

Nú virðist æði þeirra hins veg­ar hafa náð alla leið til Basel en lag­lín­ur lags­ins „Róa“ má heyra víða um borg­ina og ís­lensk­ir fán­ar blakta við hún fyr­ir utan Eurovisi­on Villa­ge, þar sem tón­leik­ar og sjón­varps­út­send­ing­ar fara fram alla vik­una.

VÆB. Þeir Matth­ías og Hálf­dán sigruðu í Söngv­akeppn­inni og hlakka til að stíga á svið í Basel í Sviss. Ljós­mynd/​Mummi Lú

Tengd­ar frétt­ir

Eurovisi­on

Eurovisi­on í Kópa­vogi 2026?

• „Viltu deyja gaur?“
• „Ég elska alla á Íslandi“
• Þessi lönd komust áfram í kvöld
• Full­trúi Ísra­els truflaður á síðustu æf­ing­unni

» Fleiri tengd­ar frétt­ir

• Blogga um frétt