Gæti átt yfir höfði sér dauðarefsingu
Setja bókamerki
Bryan Kohberger var doktorsnemi við Washington State-háskólann þegar hann var handtekinn á heimili foreldra sinna í Pennsylvaníu, í desember 2022, grunaður um morðin á fjórum ungum háskólanemum.
Nú hafa komið fram ný gögn í málinu sem varpa óhugnanlegu ljósi á aðdragandann.
Þann 13. nóvember 2022 fann lögreglan lík herbergisfélaganna Ethan Chapin, Xönu Kernodle, Kaylee Goncalves og Madison Mogens á heimili þeirra í Idaho. Þau voru öll á tvítugsaldri þegar þau létust af fjölda stungusára.
Svo virðist vera sem Chapin hafi verið síðastur þeirra sem myrt voru, hann hafi verið sofandi þegar Kohberger réðst á hann með því að skera hann í fótleggina. Áður en hann myrti Chapin hafði hann stungið Kernodle sem enn var vakandi. Þá er talið að Mogens hafi verið upphaflegt skotmark Kohberger þar sem hann fór fyrst inn í herbergið hennar.
Alríkislögreglan skoðaði gögn úr síma Kohberger sem sýndu m.a. að hann hefði verið við heimili hinna látnu rétt eftir klukkan níu um morguninn, áður en hann fór aftur til síns heima, þar sem hann tók sjálfsmynd af sér í spegli með þumalinn uppréttan.
Í símanum fundust einnig tugir mynda af kvenkyns nemendum við Washington State og Idaho-háskóla. Í vafragögnum sást að Kohberger hefði leitað eftir upplýsingum á borð við „morð í Idaho“ og heimildir um raðmorðingjann Ted Bundy.
Réttarhöldin hefjast í ágúst og ef Kohberger verður fundinn sekur í öllum ákæruliðum gæti hann átt yfir höfði sér dauðarefsingu.
Starfshópur finni hjólhýsabyggð samastað
Sauðárkrókur verði háskólabær
Eykur skilning á sérstöðu Íslands
Byggingarleyfi án grenndarkynningar
Ýjar að þingstörfum fram í ágúst
Halda áfram að leita upp úr hádegi
Landsliðskokkur færir sig á lögmannsstofu
Landsbankahúsið hentar ekki ríkinu