Rússneska punk-hljómsveitin Pussy Riot mun troða upp í Iðnó 11. júlí í sumar til stuðnings flóttafólki á Hátíð gegn landamærum.
Tónlistarmaðurinn Páll Óskar Hjálmtýsson er einnig á meðal þeirra sem koma fram, en Izleifur, Inspector Spacetime, Kusk & Óviti, Gróa, Alexander Jarl, Flesh Machine og Geðbrigði, sigurvegarar Músíktilrauna 2025, munu einnig gera það.
Markmið hátíðarinnar er að skapa vitundarvakningu um réttindabaráttu fólks á flótta og þá erfiðu stöðu sem það býr við, bæði á Íslandi og um allan heim.
Miðasala hefst á morgun, þriðjudag.