Tom Cruise næstum dottinn af flugvélavængnum

Litlu mátti muna að stór­leik­ar­inn Tom Cruise hefði dottið af flug­véla­væng vél­ar sem hann gekk út á. Cruise er þekkt­ur fyr­ir að fram­kvæma sín eig­in áhættu­atriði en nýj­asta mynd hans, Missi­on: Impossi­ble - The Final Rec­kon­ing, er eng­in und­an­tekn­ing. Mynd­in verður frum­sýnd á kvik­mynda­hátíðinni í Cann­es í kvöld.

Tom Cruise, sem er 62 ára, flaug rell­unni sem notuð var í atriði mynd­ar­inn­ar einn síns liðs. Hann yf­ir­gaf stjórn­klefa flug­vél­ar­inn­ar í heil­ar 22 mín­út­ur en það er 10 mín­út­um leng­ur en ör­yggis­viðmið segja til um. Leik­stjóri mynd­ar­inn­ar, Christoph­er McQuarrie, sagði frá því á Cann­es í dag.

„Tom var orðinn úr­vinda. Hann átti erfitt með að koma sér af flug­véla­vængn­um,“ sagði MqCu­arrie. „Vind­ur­inn mæt­ir þér á 225 kíló­metra hraða. Þú færð lítið sem ekk­ert súr­efni,“ bætti hann við. 

Cruise tókst þó að halda meðvit­und og komst aft­ur inn í stjórn­klef­ann með naum­ind­um. Þess má geta að hann er þjálfaður í listiflugi. „Til þess að bæta gráu ofan á svart, þá átti flug­vél­in aðeins eft­ir eldsneyti til að halda flug­vél­inni á lofti í 6 mín­út­ur,“ sagði leik­stjór­inn McQuarrie.

„Þetta get­ur eng­inn á jörðinni nema Tom Cruise,“ bætti hann við.

• Blogga um frétt