ABBA-dýrkendur þurfa að taka 27. september frá

Ein vin­sæl­asta ABBA-sýn­ing í heimi Mania: The ABBA Tri­bu­te er á leið til Íslands. Hún hef­ur verið sýnd í yfir 35 lönd­um síðustu tvo ára­tugi. ABBA-aðdá­end­ur um all­an heim hafa skemmt sér á sýn­ing­unni sem var til dæm­is sýnd um öll Banda­rík­in 2022 og 2023. Sýn­ing­in skart­ar hæfi­leika­rík­um flytj­end­um og tón­listar­fólki sem end­ur­skapa síðustu tón­leika hinn­ar goðsagn­ar­kenndu sænsku hljóm­sveit­ar ABBA í lif­andi flutn­ingi með flottri sviðssetn­ingu, bún­ing­um og lýs­ingu.

Á sýn­ing­unni verða öll fræg­ustu lög ABBA eins og Mamma Mia, Vou­lez Vous, Danc­ing Qu­een, The Winner Takes It All, SOS, Fern­ando, Does Your Mot­her Know, Gimme! Gimme! Gimme!, Water­loo og fleiri.

„Tónlist ABBA er ómót­stæðileg, glaðleg og tíma­laus. Tón­leik­arn­ir eru full­komn­ir fyr­ir alla ABBA- aðdá­end­ur sem og nýja kyn­slóð sem hef­ur aldrei séð ABBA. Þetta er hið full­komna tón­list­ar­kvöld,“ seg­ir James Cundall, sem stýr­ir breska fram­leiðslu­fyr­ir­tæk­inu Jam­bor­ee Entertain­ment sem flyt­ur sýn­ing­una til lands­ins.

Það verður mikið um að vera í Hörpu þessa helgi í lok sept­em­ber því kvöldið áður en Mania: The ABBA Tri­bu­te stíg­ur á svið í Eld­borg í Hörpu mun ein vin­sæl­asta kántrí hljóm­sveit í Bretlandi í dag Dom­inic Halp­in and the Hurrica­nes stíga á svið á sama stað og halda tón­leik­ana A Coun­try Nig­ht in Nashville. Tón­leik­arn­ir koma beint frá The Royal Al­bert Hall í Lund­ún­um og met­sölu tón­leika­ferðalagi í Bretlandi.

Kántrýsveit­in er einnig á veg­um Jam­bor­ee Entertain­ment en fyr­ir­tækið er leiðandi í bresku tón­leika­haldi á Íslandi.

„Við erum mjög ánægð og stolt að hafa komið ný­verið með sýn­ing­ar eins og Em­ilio Santoro sem El­vis, og Xenna sem Tayl­or Swift, í jafn glæsi­lega tón­list­ar­höll og Harpa sann­ar­lega er. Mania: The ABBA Tri­bu­te og A Coun­try Nig­ht in Nashville eru góð dæmi um frá­bær­ar hljóm­sveit­ir og lista­menn sem munu gleðja áhorf­end­ur á Íslandi eins og ann­ars staðar þar sem þau hafa komið fram,“ seg­ir hann. 

Frétt af mbl.is

Kántrý­gæ­inn á leið til Íslands

Ljós­mynd/​Aðsend

• Blogga um frétt