Chris Brown laus gegn tryggingu

Banda­ríski tón­list­armaður­inn Chris Brown var lát­inn laus gegn trygg­ingu fyr­ir dóm­stóli í London eft­ir að hann var ákærður fyr­ir þátt­töku í ljótri árás sem átti sér stað á næt­ur­klúbbi árið 2023.

Grammy-verðlauna­haf­inn, sem hef­ur ekki enn verið beðinn um að svara ákær­unni, mun geta hafið tón­leika­ferðalag sitt í næsta mánuði líkt og áætlað var.

Frétt af mbl.is

Chris Brown hand­tek­inn

Hann var hand­tek­inn á fimmtu­dag í síðustu viku og síðan ákærður fyr­ir al­var­lega lík­ams­árás þar sem hann átti að hafa ráðist á tón­listar­fram­leiðanda með tequila­flösku á Tape-klúbbn­um í Ma­yf­a­ir í London 2023.

Hinn 36 ára tón­list­armaður var ekki viðstadd­ur þegar ákvörðun var tek­in í dag þar sem dóm­ar­inn sagði hann laus­an gegn fimm millj­ón punda trygg­inga­gjaldi, eða um 860 millj­ón­ir króna.

Frétt af k100.is

Ákærður enn eina ferðina

Áætlað er að tón­leika­ferð Brown hefj­ist í Amster­dam 8. júní og síðar í mánuðinum og í júlí í Manchester, London, Car­diff, Bir­ming­ham og Glasgow. Ef hann kem­ur ekki til baka til Bret­lands eft­ir tón­leik­ana í Amster­dam mun trygg­ing­in renna út í sand­inn, en hann á að mæta fyr­ir rétt aft­ur 20. júní.

BBC

• Blogga um frétt