Siðklemma um hefnd hreppti Gullpálmann í Cannes

Íranski leik­stjór­inn Jaf­ar Pana­hi vann gullpálm­ann á kvik­mynda­hátíðinni í Cann­es um helg­ina. 

Sig­ur­verkið, Yek tasa­d­ef sa­deh („Þetta var bara slys“), fjall­ar um fimm Írana sem sem ræna manni sem þau telja vera vörðinn sem pyntaði þá í fang­elsi. Mynd­in tekst á við þá siðklemmu hvort fólk grípi gæs­ina þegar það fær tæki­færi á að hefna sín á kúg­ara sín­um.

Frétt af mbl.is

Íslensk­ur hund­ur stel­ur sen­unni í Cann­es

Pana­hi var bannað frá því að fram­leiða mynd­ir árið 2010 og hef­ur verið fang­elsaður tvisvar.  „Leggj­um til hliðar öll vanda­mál, all­an mis­mun. Það sem skipt­ir máli núna er landið okk­ar og frelsi okk­ar lands,“ sagði Pana­hi, gáfna­ljós nýrr­ar bylgju kvik­mynda­gerðar í Íran, er hann flutti þakk­arræðu sína á Cann­es-hátíðinni í gær.

Meðal fleiri sig­ur­veg­ara eru Wagner Moura, best þekkt­ur fyr­ir að leika Pablo Escobarí Narcos, hlaut Cann­es verðlaun fyr­ir leik sinn í bras­il­ísku mynd­inni O Ag­ente Secreto („Leyniþjón­ustumaður­inn“).

Besta leik­kon­an var hin franska Nadia Melliti, sem hlaut verðlaun fyr­ir leik sinn í La Pe­tite Dern­ière („Litla syst­ir­inn“).

Tík­in Panda, sem fer með hlut­verk í mynd Hlyns Pálma­son­ar, Ástin sem eft­ir er, hlaut sér­stök verðlaun fyr­ir bestu frammistöðu í kvik­mynd á kvik­mynda­hátíðinni í Cann­es í Frakklandi. Panda er í eigu föður leik­stjór­ans.

Íslenska mynd­in hlaut afar góðar viðtök­ur en vann þó ekki til verðlauna. Hún er jafn­framt fyrsta ís­lenska kvik­mynd­in sem val­in er í Premi­ere-flokk hátíðar­inn­ar.

• Blogga um frétt