„Ég trúi ekki að maðurinn minn hafi gert þetta“
Setja bókamerki
Hin íslenska Ása Guðbjörg Ellerup, sem er gift hinum meinta fjöldamorðingja Rex Heuermann, kemur fram í fyrsta sinn í heimildaþáttaröðinni The Gilgo Beach Killer: House of Secrets sem sýnd er í Sjónvarpi Símans Premium. Þetta er í fyrsta skipti sem Ása opnar sig eftir að eiginmaðurinn var handtekinn og ákærður fyrir morð á ungum konum. Hún fékk 126.000.000 kr. fyrir að koma fram í þáttunum.
Þáttaröðin The Gilgo Beach Killer: House of Secrets hefur vakið mikla athygli undanfarna daga, ekki síst vegna viðtalsins við Ásu og dóttir hennar, Victoríu, sem tjá sig í fyrsta sinn um áfallið sem fylgdi því að fjölskylduföðurinn og arkitektinn Rex Heuermann var handtekinn í júlí 2023 og ákærður fyrir morðin. Þær tala opinskátt um líf sitt, bæði fyrir og eftir að Rex var handtekinn.
Ása rifjar upp fyrstu kynni sín af honum og hvernig hann hjálpaði henni að komast í gegnum erfiðan skilnað. Mæðgurnar rifja meðal annars upp heimsóknir til Íslands og önnur ferðalög þeirra en Rex er sakaður um að hafa nýtt tímann þegar fjölskyldan var að ferðast til að kaupa sér vændisþjónustu og myrða vændiskonurnar.
Framleiðslufyrirtæki þáttanna er í eigu rapparans Curtis „50 Cent“ Jackson en það fékk óheftan aðgang að fjölskyldunni og heimilinu sem mikið hefur verið fjallað um í fjölmiðlum. Birt eru viðtöl þá sem þekkja Rex Heuermann best, þar á meðal Ásu og Victoriu, auk þess sem rætt er við besta vin hins meinta fjöldamorðingja og fjölda rannsóknarblaðamanna sem hafa fylgst grannt með framvindu málsins.
The Gilgo Beach Killer: House of Secrets er í þremur þáttum.
Gengur í kringum Vestfirði fyrir Sólheima
„Mjög, mjög nálægt því að ná markmiðunum“
„Heimurinn þarf á því að halda sem aldrei fyrr“
Ekkert lát á árásum: Loftvarnaflautur ómuðu
Munar 31 krónu á lítra 50 metrum frá
Mögulegt að svörin liggi meðal íslensks samfélags
Sakborningar í Gufunesmálinu neita allir sök