Drake opnar sig um spilafíkn

Rapp­ar­inn Dra­ke opnaði sig við fylgj­end­ur sína á In­sta­gram um spilafíkn sína. Dra­ke er einn vin­sæl­asti rapp­ari í heimi og hef­ur unnið fjölda verðlauna fyr­ir tónlist sína. 

Dra­ke deildi skjá­skoti með fylgj­end­um sín­um sem sýn­ir hversu miklu hann hefði eitt í veðmál og hversu miklu hann hefði tapað.

Skjá­skot/​In­sta­gram

Sam­kvæmt mynd­inni hafði hinn 38 ára gamli tón­list­armaður tapað sam­tals 8.238.686 döl­um sem sam­svar­ar um ein­um millj­arði ís­lenskra króna. Dra­ke eyddi 15 millj­örðum ís­lenskra króna í veðmál í þess­um mánuði.

Í færslu Dra­ke seg­ir: „Ég verð að deila hinni hliðinni á spila­mennsk­unni... tapið er svo brjálað núna.“ Í fram­hald­inu sagðist Dra­ke vona að heppn­in myndi snú­ast hon­um í vil fljót­lega.

Þetta er ekki í fyrsta sinn sem Dra­ke sýn­ir fylgj­end­um sín­um frá spilafíkn sinni. Fyrr á þessu ári vann hann 630 þúsund dali í veðmáli um að Baltimore Ravens myndu sigra Pitts­burgh Steelers í NFL-leik í janú­ar.

• 1 blogg um frétt­ina

Bloggað um frétt­ina

• Wil­helm Em­ils­son: Fólk í frétt­um