„Við leyf­um öll­um að gista ef við höf­um pláss til þess. Stund­um þurf­um við þó að vekja þá og vísa þeim út til að setja inn ein­hverja krimma,“ seg­ir Jó­hann Karl Þóris­son, aðal­varðstjóri á lög­reglu­stöð 5 í Reykja­vík og yf­ir­maður fanga­geymslu, um heim­il­is­laust fólk sem ósk­ar eft­ir gist­ingu í fanga­geymsl­um á nótt­inni.

Ástandið hef­ur snar­versnað und­an­farið

„Það er mjög mis­jafnt hve marg­ir koma, en oft­ast koma ein­hverj­ir á hverju kvöldi, hvort sem það er einn eða átta,“ seg­ir Jó­hann Karl og bæt­ir við að þetta hafi snar­versnað und­an­farið og lík­ast til aldrei verið verra. Mest hafa komið átta til að gista yfir eina nótt. 

„Oft eru þetta góðkunn­ingj­ar lög­reglu sem koma aft­ur og aft­ur, en nú eru einnig að koma fjöl­mörg ný and­lit sem við höf­um aldrei séð áður,“ seg­ir Jó­hann Karl sem seg­ir þá sækja mikið inn enda hef­ur verið ein­stak­lega kalt og veðrað illa síðustu mánuði.

Yf­ir­leitt er pláss fyr­ir útigangs­menn­ina til að gista en þeir fá sjaldn­ast að gista á föstu­dags- og laug­ar­dags­kvöld­um. „Þá fyll­um við vana­lega fanga­geymsl­urn­ar af fólki úr miðbæn­um, svo þeir koma hingað á virk­um dög­um og vita að þá er oft­ast laust.“

Kon­urn­ar biðja sára­sjald­an um gist­ingu

Að sögn Jó­hanns Karls eru dval­ar­gest­irn­ir eig­in­lega alltaf heim­il­is­laus­ir karl­menn og það sé sára­sjald­an sem kona biður um gist­ingu.

Á fyrstu fjór­um mánuðum árs­ins heim­il­is­laus­um karl­mönn­um vísað frá Gisti­skýl­inu í Reykja­vík í 111 til­vik­um vegna pláss­leys­is. Á sama tíma í fyrra var heim­il­is­laus­um vísað 24 sinn­um frá af sömu ástæðu. Það er aug­ljóst að fjöldi heim­il­is­lausra hef­ur fjölgað veru­lega og seg­ir Jó­hann Karl að þeir finni veru­lega mikið fyr­ir fjölg­un­inni.