Lilja Raf­ney Magnús­dótt­ir, þingmaður Vinstri hreyf­ing­ar­inn­ar - græns fram­boðs, seg­ir að það sé óeðli­legt þegar fyr­ir­tæki, sem eiga sér sögu eins og út­gerðarfyr­ir­tækið Vís­ir, taki ekki meiri sam­fé­lags­lega ábyrgð en raun ber vitni.

„Þau tíðindi hafa borist að fyr­ir­tækið Vís­ir í Grinda­vík ætl­ar að loka fyr­ir­tæki sínu á þrem­ur út­gerðar­stöðum á land­inu, á Þing­eyri, Húsa­vík og Djúpa­vogi. Það eru 50 manna vinnustaðir á hverj­um stað og mér þykir þetta dap­ur­leg tíðindi hjá þessu fyr­ir­tæki sem fengið hef­ur meðgjöf í formi byggðakvóta á þess­um stöðum í gegn­um árin,“ sagði hún á Alþingi í dag.

Það hafi afla­heim­ild­ir frá Breiðdals­vík og Djúpa­vogi og beri mikla sam­fé­lags­lega ábyrgð.

„Líta þess­ir aðilar í Grinda­vík á þetta fólk sem hef­ur byggt upp þessi fyr­ir­tæki sem ein­hverja þræla í vinnu­búðum sem þeir geta tekið með sér á þann stað sem þeir kjósa hverju sinni? Eða er þetta fólk sem á rétt til að stunda vinnu á þeim stöðum sem það býr á, þar sem það hef­ur byggt upp heim­ili sín?“ spurði Lilja Raf­ney.

Hann seg­ir að jafn­an sé talað um for­sendu­brest þegar rætt sé um leiðrétt­ingu lána.

„Hver er for­sendu­brest­ur þessa fólks, sem nú stend­ur frammi fyr­ir því að eign­ir þess verði jafn­vel dæmd­ar verðlaus­ar því að stærsta fyr­ir­tækið á staðnum, eins og á Þing­eyri og Djúpa­vogi, legg­ur upp laup­ana?“

Sem bet­ur fer séu þó fleiri at­vinnu­mögu­leik­ar á Húsa­vík.  

„Mér finnst að þess­ir aðilar eigi að sjá sig um hönd og end­ur­skoða þessa ákvörðun sína,“ sagði hún að lok­um.

Eins og greint hef­ur verið frá áform­ar Vís­ir að flytja alla fisk­vinnslu fyr­ir­tæk­is­ins í áföng­um til Grinda­vík­ur, en þar með munu starfs­stöðvar fé­lags­ins á Djúpa­vogi, Þing­eyri og Húsa­vík leggj­ast niður.