Fisk­vinnsla hefst á Djúpa­vogi und­ir merkj­um Bú­landstinds um næstu ára­mót. Vís­ir hf. hef­ur selt  fyr­ir­tæki á staðnum, Ósnesi, hluta­fé sitt í Bú­landstindi á 500 þúsund krón­ur. Vís­ir mun af­henda Bú­landstindi fast­eign­ir sín­ar á Djúpa­vogi, sem metn­ar eru á 50 millj­ón­ir króna, án end­ur­gjalds, verði stöðug vinnsla í hús­un­um næstu fimm ár.

Þetta kem­ur fram í frétta­til­kynn­ingu.

Eng­in starf­semi hef­ur verið und­ir nafni Bú­landstinds síðustu ár en Ósnes og Fisk­eldi Aust­fjarða hf. hafa skuld­bundið sig til þess að auka hluta­fé Bú­landstinds um sam­tals 140 millj­ón­ir króna og hefja þar fisk­vinnslu, auk vinnslu og pökk­un­ar á eld­is­fiski.

Ósnes kaup­ir tæki og búnað Vís­is á staðnum og legg­ur inn sem hluta­fé í Bú­landstind og hluta­fé Fisk­eld­is Aust­fjarða  verður í formi tækja­búnaðar til vinnslu og pökk­un­ar á eld­is­fiski.

„Með þess­um samn­ing­um og af­hend­ingu fast­eigna sinna án greiðslu að upp­fylltu skil­yrði um vinnslu næstu ár, vill Vís­ir gera sitt til að tryggja áfram­hald­andi fisk­vinnslu á Djúpa­vogi eft­ir að fyr­ir­tækið flyt­ur  starf­semi sína þaðan til Grinda­vík­ur um næstu ára­mót. Gert er ráð fyr­ir um 30 störf­um hjá Bú­landstindi við al­menna fisk­vinnslu og slátrun, vinnslu og pökk­un á eld­is­fiski,“ seg­ir í frétta­til­kynn­ingu.