„Við nátt­úr­lega von­um að þetta sé bara tíma­bundið. En við höf­um hug­ann við þetta og fylgj­umst vel með fjöld­an­um sem kem­ur inn. Í maí hef­ur þetta verið sér­lega mikið og það hef­ur þurft að vísa frá. En það er ekki gert fyrr en allt er orðið fullt og rúm­lega það.“

Þetta seg­ir Sigþrúður Erla Arn­ar­dótt­ir, fram­kvæmd­ar­stjóri þjón­ustumiðstöðvar miðborg­ar og Hlíða, aðspurð um þá miklu aðsókn sem hef­ur verið í gisti­skýlið við Lind­ar­götu í mánuðinum. Reykja­vík­ur­borg tek­ur við rekstri gisti­skýl­is­ins um mánaðamót­in af Sam­hjálp og seg­ir Sigþrúður að borg­in verði með mjög sam­bæri­lega þjón­ustu og hef­ur verið í skýl­inu. Boðið er upp á sama gesta­fjölda og opið á sama tíma og áður.

Eins og fram hef­ur komið á mbl.is síðustu daga og vik­ur hef­ur þurft að vísa útigangs­mönn­um frá vegna mik­ill­ar aðsókn­ar í skýlið. Gisti­skýlið við Lind­ar­götu hýs­ir heim­il­is­lausa reyk­víska karl­menn. Gisti­skýlið var áður til húsa í Far­sótt­ar­hús­inu við Þing­holts­stræti en opnað á Lind­ar­götu í októ­ber. Skýlið er með svefn­pláss fyr­ir 20 manns. Þar að auki er hægt að bæta við dýn­um fyr­ir níu. Að sögn Sigþrúðar hef­ur þurft að vísa frá ein­um til þrem­ur mörg kvöld í maí og er því ljóst að oft sækja rúm­lega þrjá­tíu karl­ar í skýlið.

Hún seg­ir að í maí­mánuði hafi aðsókn­in verið sér­stak­lega mik­il og ekki hafi þurft að vísa frá skýl­inu fyrr en í þess­um mánuði.

Aðspurð hvort reynt verði að bæta við pláss­um í skýl­inu seg­ir Sigþrúður að það sé í skoðun.

„Við erum í sam­tali inn­an vel­ferðarsviðs og við vel­ferðarráð. Ef það verður áfram­hald á þess­ari fjölg­un verður lík­lega tek­in ákvörðun um breyt­ing­ar.“

Fyrri frétt mbl.is:

Fullt í gisti­skýl­inu nótt eft­ir nótt