Hvorki Voda­fo­ne né Sím­inn hafa enn sem komið er alla­vega ekki fengið til­kynn­ing­ar um að viðskipta­vin­ur þeirra hafi orðið fyr­ir barðinu á tölvu­árás­inni sem hófst á föstu­dag­inn. Þetta segja upp­lýs­inga­full­trú­ar fyr­ir­tækj­anna í sam­tali við mbl.is.

„Það hef­ur ekk­ert óeðli­legt komið upp hjá okk­ur en það verður áfram tvö­föld vakt og unnið að því að tryggja okk­ar varn­ir,“ seg­ir Guðfinn­ur Sig­ur­vins­son, upp­lýs­inga­full­trúi Voda­fo­ne, í sam­tali við mbl.is spurður hvort ein­hverj­ar til­kynn­ing­ar hefðu borist fyr­ir­tæk­inu.

„Það er full ástæða til þess að minna fólk áfram á að fara var­lega og var­ast viðhengi í tölvu­póst­um og enn­frem­ur að það get­ur verið hættu­legt að opna vefsíður sem fólk þekk­ir ekki. Þessu hef­ur meðal ann­ars verið dreift með aug­lýs­ing­um,“ seg­ir Guðfinn­ur enn­frem­ur. Hann seg­ir aðspurður að helg­in hafi verið notuð til þess að tryggja varn­ir fyr­ir­tæk­is­ins. 

„Við höf­um verið að yf­ir­fara kerf­in og reyna allt sem í okk­ar valdi stend­ur til þess að koma í veg fyr­ir að nokkuð geti komið upp. Það er sem sagt enn tvö­föld vakt hjá okk­ur og verður áfram á meðan þetta er í gangi,“ seg­ir Guðfinn­ur.

Gunn­hild­ur Arna Gunn­ars­dótt­ir, upp­lýs­inga­fultl­rúi Sím­ans, tek­ur í sama streng. Eng­ar til­kynn­ing­ar hafi borist fyr­ir­tæk­inu um árás­ir.