Flest­ir for­eldr­ar byrja á að gefa ung­barn­inu sínu afar hefðbundið ung­barna­fæði eft­ir að það byrj­ar að borða fasta fæðu. Ung­barna­graut­ar, stappaðir ban­an­ar, kart­öfl­ur og gul­ræt­ur er ágæt­is­fæði fyr­ir unga­börn en það má vel prófa að gefa þeim fleiri fæðuteg­und­ir. Það er æski­legt að byrja fljót­lega að venja bragðlauka barns­ins á óvenju­leg­an mat í bland við hinn hefðbundna, slíkt get­ur átt mik­inn þátt í að koma veg fyr­ir eða minnka matvendni barns­ins. 

Meðfylgj­andi eru nokkr­ar hug­mynd­ir að ann­ars kon­ar fæði fyr­ir ung­börn. At­hugaðu að þó svo þér kunni ekki að líka við til­tek­inn mat er ekki úti­lokað að barn­inu finn­ist hann góður. Leyfðu því að ráða.

At­hugið að nú er ekki leng­ur talið mik­il­vægt að bíða til eins árs ald­urs með mat sem gæti valdið of­næmi eins og áður var talið en þó er alltaf talið skyn­sam­legt að kynna barni nýtt fæði hægt og ró­lega, til dæm­is með því að láta um það bil þrjá daga líða á milli þess sem það borðar nýja fæðuteg­und. Þannig er hægt að kanna hvort mat­ur­inn virðist valda of­næmisviðbrögðum hjá barn­inu.

Súr­ir ávext­ir

Það kem­ur ef til vill mörg­um for­eldr­um á óvart en mög­um börn­um finn­ast súr­ir ávext­ir, ber og græn­meti gott. Dæmi; kirsu­ber (fjar­lægið stein­ana), plómu­bit­ar, jarðarber stund­um svo­lítið súr, græn epli og rabarbar­ar eru klár­lega súr­ir. Það er mögu­legt líka að börn­in gleypi ekki súr­an mat í sig en þeim gæti þótt gam­an að leika sér með bragðlauk­ana rétt eins og full­orðnum.

Soðið kryddað kjöt

Viss­irðu að unga­börn út um all­an heim borða chili? Kannski ekki mikið af því og það eru til ýms­ar út­gáf­ur af chili, mis­sterkt. Einnig mætti prófa smá­veg­is af engi­feri og sojasósu til að venja barnið við. Einnig get­ur verið spenn­andi að prófa ým­iss kon­ar kryd­d­jurtir, ung­barna­mat­ur þarf ekki að bragðast eins og papp­ír.

Ljós­mynd/​Thinkstockp­hotos

Græn­meti af kross­blóma­ætt

Græn­ar baun­ir og sæt­ar kart­öfl­ur hafa gjarna verið álitið hið full­komna ung­barna­fæði en af hverju ekki gul­róf­ur og blóm­kál? Græn­meti af kross­blóma­ætt (Cruciferous veggies) er van­metið fyr­ir börn en til þess heyr­ir líka brok­kolí, græn­kál, bok choy, hvít­kál og rósa­kál. Allt úr­vals­græn­meti sem hlaðið er nær­ing­ar­efn­um fyr­ir litla orku­bolta.

Fingramat­ur

Leyfið barn­inu að borða mat­inn um leið og það hef­ur tök á að tína sjálft bit­ana eða stinga skeiðinni sjálft upp í sig. At­hugið bara að barnið ráði við að tína bit­ana upp í sig jafn­vel þó að nær­ing­ar­legt gildi máltíðar­inn­ar sé ekki mikið, svo við töl­um um hrein­læt­isþátt­inn. Einnig er mik­il­vægt að bitarn­ir séu það litl­ir að það sé ekki hætta á að þeir standi í barn­inu. Til dæm­is gæti verið sniðugt að frysta oggu­litla ís­bita sem bún­ir eru til úr þeyt­ingi sem svo bráðna uppi í barn­inu. Því get­ur þótt þetta vera hin besta skemmt­un.

Ljós­mynd/​Thinkstockp­hotos

 Fisk­ur

Nú er ekki leng­ur ráðlagt að bíða til eins árs ald­urs með að gefa börn­um fisk. Þvert á móti er talið skyn­sam­legt að gefa þeim fisk fljót­lega sem hluta af fastri fæðu og venja þau strax við fisk­bragðið svo það verði ekki vesen í framtíðinni að koma þeirri heilsu­fæðu ofan í barnið, eins og stund­um vill verða.

Heim­ild: Ba­bycenter.com