Nor­ræna ráðherra­nefnd­in um mennta­mál og rann­sókn­ir lagði í gær fram end­ur­skoðaða sam­starfs­áætl­un sína fyr­ir nor­rænu ráðherra­nefnd­ina. Nýja sam­starfs­áætl­un­in tek­ur til tíma­bils­ins 2019—2023 og mark­mið henn­ar er að Norður­lönd­in verði áfram í far­ar­broddi á sviði þekk­ing­ar og vel­ferðar. 

Frá þingi Norður­landaráðs í Stokk­hólmi. Magn­us Fröder­berg/​nor­d­en.org

Framtíðar­sýn for­sæt­is­ráðherr­anna til 2030 er að Norður­lönd­in verði sjálf­bær­asta og samþætt­asta svæði heims. Metnaður stend­ur til þess að sam­starf um mennt­un og rann­sókn­ir stuðli að því að raun­gera þessa framtíðar­sýn og þar með einnig heims­mark­miðin um sjálf­bæra þróun.

„Í sam­fé­lagi sem breyt­ist ört eru mennt­un og rann­sókn­ir grund­vallar­for­send­ur fyr­ir já­kvæðri þróun. Hér er að finna mörg lyk­il­orð sem snerta það sem þarf til að skapa Norður­lönd morg­undags­ins. Þetta eru til dæm­is orðin þekk­ing, ný­sköp­un, lýðræðisþátt­taka, traust, gegn­sæi, jafn­rétti, fjöl­breytni og sam­eig­in­leg gildi sem taka til samþætt­ing­ar, vellíðunar og vel­ferðar.

Grund­völl­ur sam­starfs­ins er sveigj­an­legt nám frá vöggu til graf­ar og tek­ur það lífs­hlaups­ins alls, frá þeim yngstu til hinna elstu. Áhersla er lögð á allt frá grund­vall­ar­hæfni til æðri mennt­un­ar og full­orðins­fræðslu ásamt tæki­fær­um til þess að læra nýja hluti gegn­um allt lífið. Leik­skóla­kenn­ar­ar, grunn­skóla­kenn­ar­ar og aðrir kenn­ar­ar gegna lyk­il­hlut­verki í þessu sam­starfi af því að þeir vinna að því að und­ir­búa fólk und­ir sam­fé­lag framtíðar­inn­ar,“ seg­ir í frétt Norður­landaráðs.  

Odd­ný G. Harðardótt­ir er vara­formaður Íslands­deild­ar Norður­landaráðs. Johann­es Jans­son/​Nor­d­en.org

„Verk­efni kenn­ar­anna eru þau mik­il­væg­ustu í sam­fé­lag­inu. Þeir búa til framtíðina á hverj­um degi,“ seg­ir Lilja Dögg Al­freðsdótt­ir, mennta- og menn­ing­ar­málaráðherra.

Frétt af mbl.is

Fram­lög án kröfu um grein­ing­ar

Í nor­rænu sam­starfi er mikl­um kröft­um varið til þess að búa í hag­inn fyr­ir hreyf­an­leika. Hreyf­an­leiki stuðlar að gagn­kvæmri miðlun reynslu og þekk­ing­ar og aukn­um tungu­mála- og menn­ing­ar­skiln­ingi. Þegar þetta kem­ur sam­an skap­ast til­finn­ing fyr­ir sam­kennd á Norður­lönd­um.

Mennta­málaráðherr­arn­ir bera ásamt menn­ing­ar­geir­an­um ábyrgð á tungu­mála­sam­starf­inu og ráðherra­nefnd­in mun á kom­andi tíma­bili vinna að því að greina sam­eig­in­lega hags­muni Norður­land­anna á tungu­mála­sviðinu.

Kol­beinn Ótt­ars­son Proppé alþing­ismaður sit­ur í Norðu­rlanda­ráði en þar sitja 87 þing­menn, þar af sjö alþing­is­menn. Johann­es Jans­son/​Nor­d­en.org

Rann­sókn­ar­sam­starf á að stuðla að þekk­ingu á alþjóðleg­um gæðum og styrk, þekk­ingu sem byggð er á rann­sókn­um. Þetta er nauðsyn­legt til þess að tak­ast á við þær sam­fé­lags­áskor­an­ir sem blasa við.

Þess vegna eru til nor­ræn­ar rann­sókn­aráætlan­ir um allt frá lofts­lags- og um­hverf­is­mál­um, heilsu og vel­ferð, sam­fé­lags­ör­yggi og sjálf­bærri þróun borga til sta­f­rænna um­skipta og mennt­un­ar framtíðar.

„Mark­mið okk­ar er að rann­sókn­aráætlan­irn­ar styðji framtíðar­sýn okk­ar til 2030 um græn, sam­keppn­is­hæf og fé­lags­lega sjálf­bær Norður­lönd. Við eig­um að halda áfram að standa und­ir þeim metnaði sem sam­starfið bygg­ir á,“ seg­ir Paula Lehtomäki, fram­kvæmda­stjóri nor­rænu ráðherra­nefnd­ar­inn­ar, á vef Norður­landaráðs.