Har­ald­ur Sverris­son, bæj­ar­stjóri Mos­fells­bæj­ar, fagn­ar því að kom­in sé skýr­ari mynd um hvernig sé best að leggja Sunda­braut.

Sig­urður Ingi Jó­hanns­son, sam­göngu- og sveit­ar­stjórn­ar­ráðherra, kynnti skýrslu starfs­hóps á veg­um Vega­gerðar­inn­ar í gær um að Sunda­brú væri hag­kvæm­ari kost­ur en göng.

Frétt af mbl.is

Sunda­brú hag­kvæm­ari en jarðgöng

Har­ald­ur kveðst ekki hafa velt fyr­ir sér hvort betra sé að brú verði reist eða göng smíðuð. Fyrst og fremst von­ar hann að menn kom­ist að niður­stöðu og verk­efnið kom­ist í gang.

„Sunda­braut er mikið hags­muna­mál fyr­ir okk­ur Mos­fell­inga. Þá þarf hún líka öll að verða að veru­leika, ekki bara þessi til­tekna brú,“ seg­ir hann og nefn­ir að verk­efnið allt þurfi að klár­ast frá Reykja­vík upp í Grafar­vog, út á Geld­inga­nes, Gunnu­nes og Kjal­ar­nes þannig að um­ferðin í gegn­um Mos­fells­bæ geti farið þessa leið.

Létt­ir á um­ferð um Ártúns­brekku

Hann seg­ir að þetta muni einnig létta á um­ferð um Ártúns­brekk­una og þeim gatna­mót­um sem þar eru. „Þetta yrði til hags­bóta fyr­ir Mos­fell­inga því við þurf­um mörg hver að eiga er­indi til Reykja­vík­ur,“ seg­ir hann og bæt­ir við að Ártúns­brekk­an sé vanda­mál alls höfuðborg­ar­svæðis­ins.

Frétt af mbl.is

Hlut­irn­ir hafi snú­ist við

Har­ald­ur seg­ir Mos­fell­inga vera spennta fyr­ir því að fram­gang­ur verk­efn­is­ins verði sem hraðast­ur. Hann reikn­ar með því að skýrsla starfs­hóps­ins verði rædd í nefnd­um bæj­ar­ins á næst­unni.