Carole Middlet­on, móðir Katrín­ar her­togaynju af Sus­sex, er alltaf með eitt­hvert skemmti­legt verk­efni til­búið þegar barna­börn­in henn­ar, Georg, Karlotta og Lúðvík, koma í heim­sókn. Hún finn­ur alltaf eitt­hvað skemmti­legt til að gera með þeim og ekki skemm­ir fyr­ir ef krakk­arn­ir ná að verða smá skít­ug­ir. 

Í viðtali við tíma­ritið Saga sagðist Carole alltaf vera búin að gera eitt­hvað til­búið svo það sé hægt að byrja strax á verk­efn­inu. 

„Ef ég er að fara planta með barna­börn­un­um, þá finnst mér gott að vera búin að út­búa nokkr­ar stöðvar, svo krakk­arn­ir séu með sína eig­in skóflu og pott og geti byrjað strax,“ sagði Carole. 

Hún sagði að það væri mik­il­vægt fyr­ir börn að læra að bera virðingu fyr­ir nátt­úr­unni og hluti af því væri að leyfa þeim að verða svo­lítið skít­ug. 

Carole seg­ir að kart­öfl­ur séu hið full­komna ein­falda græn­meti til að planta með börn­un­um. Hún rækt­ar líka gul­ræt­ur, rauðróf­ur og lauka með þeim. „Það er ekki til betri leið til að hvetja börn­in til að borða hollt en að leyfa þeim að sjá hvernig mat­ur vex.“

Lúðvík prins fær líka að vera með. AFP