Svandís Svavars­dótt­ir heil­brigðisráðherra hef­ur falið Land­spít­ala að efna til vinnu­stofu um þjón­ustu­ferla með það að mark­miði að bæta þjón­ustu við fólk með geðræn­an vanda, auka skil­virkni henn­ar og draga úr biðlist­um.

Til vinnu­stof­unn­ar verða boðaðir full­trú­ar allra veit­enda geðheil­brigðisþjón­ustu á fyrsta, öðru og þriðja stigi heil­brigðisþjón­ustu sem og full­trú­ar not­enda. Megin­áhersla verður lögð á að finna leiðir til að tryggja sam­vinnu milli þjón­ustu­stiga og þjón­ustu­veit­enda, auk þess sem hlut­verk ein­stakra þjón­ustu­ein­inga verða skil­greind. Miðað er við að afrakst­ur vinnu­stof­unn­ar verði til­lög­ur til úr­bóta á þessu sviði sem skilað verði til ráðherra um miðjan ág­úst. Vinnu­stof­an verður hald­in und­ir for­merkj­un­um Rétt geðheil­brigðisþjón­usta á rétt­um stað með skýr­skot­un í mark­mið heil­brigðis­stefnu til árs­ins 2030. Þetta kem­ur fram á vef heil­brigðisráðuneyt­is­ins. 

Heil­brigðisráðherra stóð fyr­ir geðheil­brigðisþingi í des­em­ber á liðnu ári þar sem unnið var að mót­un framtíðar­sýn­ar í geðheil­brigðisþjón­ustu til árs­ins 2030. „Þar komu fram skýr­ar ábend­ing­ar um að skil­greina þurfi og sam­ein­ast um heild­stæðan þjón­ustu­fer­il þar sem öll þrjú þjón­ustu­stig geðheil­brigðisþjón­ustu væru samþætt og ynnu sam­an að því að tryggja not­end­um og fjöl­skyld­um þeirra sam­fellda og skil­virka þjón­ustu.

Til að tryggja að raun­veru­leg­ar úr­bæt­ur nái fram að ganga er mik­il­vægt að veit­end­ur og not­end­ur geðheil­brigðisþjón­ustu komi sam­an að því að rýna þjón­ust­una og vinna að mik­il­vægu breyt­inga­ferli frá upp­hafi.“

Land­spít­ali hef­ur á að skipa sér­hæfðum verk­efna­stjór­um sem búa yfir mik­illi reynslu og hafa leitt ýmis upp­bygg­ing­ar- og um­bóta­verk­efni sem tengj­ast bætt­um þjón­ustu­ferl­um inn­an spít­al­ans og einnig upp­bygg­ingu og skipu­lagi nýs sjúkra­húss að því er seg­ir í til­kynn­ingu á vef ráðuneyt­is­ins.

„Í þessu ljósi var ákveðið að fela Land­spít­al­an­um skipu­lagn­ingu og ut­an­um­hald vinnu­stof­unn­ar en áhersla verður lögð á að not­end­ur sem og all­ir þjón­ustu­veit­end­ur eigi fulla aðkomu að verk­efn­inu og taki virk­an þátt í því. Heil­brigðisráðherra hef­ur veitt Land­spít­ala 500.000 króna til verk­efn­is­ins.“