Lík­legt er að netárás­irn­ar sem framd­ar voru í gær hafi verið fram­kvæmd­ar í von um gróða. Talið er að eng­in gögn séu í hættu, að sögn Guðmund­ar Arn­ars Sig­munds­son­ar, for­stöðu­manns netör­ygg­is­sveit­ar­inn­ar CERT-ÍS.

Frétt af mbl.is

Öngþveiti eft­ir netárás

Þau þrjú fjár­mála­fyr­ir­tæki sem lentu í netárás­um í gær voru Ari­on Banki, Salt­Pay og Valitor.

„Þetta er svona álags­árás, þeir skemma eng­in gögn en taka þjón­ust­una niður,“ sagði Guð­mund­ur.

Hann seg­ir fjölda upp­kalla á kerf­in gera það að verk­um að þau séu tek­in niður en að eng­in gögn séu í hættu.

Kost­ar að gera árás­ir sem þess­ar

Aðspurður hvert mark­mið árá­sa­mann­anna sé seg­ir Guðmund­ur netárás­ir langoft­ast vera gerðar í gróðavon og að oft sendi menn hót­un­ar­bréf þar sem hótað er að taka fyr­ir­tæki niður nema þau greiðir ákveðna upp­hæð fyr­ir til­tek­inn tíma. Þá tek­ur hann einnig fram að það kosti alltaf að gera svona árás­ir.

„Um­fangið er mikið, greiðslur stöðvast og fólk get­ur ekki klárað viðskipti. Það eru í raun greiðslumiðlan­irn­ar ásamt hóp á veg­um Seðlabank­ans sem þurfa að taka þetta áfram og ákveða hver næstu skref verða varðandi það að bregðast við svona árás­um,“ sagði Guðmund­ur.