Leik­ar­inn Chris Noth, sem flest­ir þekkja sem „Mr. Big“ úr þátt­un­um og bíó­mynd­un­um Sex and the City, mun ekki leng­ur vera hluti af CBS þátt­ar­röðinni „The Equlizer“ vegna ásak­ana á hend­ur hans um kyn­ferðis­legt of­beldi.

Frétt af mbl.is

Lýs­ir óviðeig­andi hegðun Noth

„Chris Noth mun ekki leng­ur vera hluti af The Equalizer og tek­ur það strax gildi,“ til­kynnti CBS og Uni­versal Televisi­on, fram­leiðslu­fyr­ir­tæki þátt­ar­ins, í stuttri yf­ir­lýs­ingu í gær.

Tvær kon­ur greindu frá því í sam­tali við The Hollywood Report­er að Noth hafi beitt þær kyn­ferðis­legu of­beldi. Noth hef­ur þó al­farið neitað ásök­un­um.

„Ásak­an­ir á hend­ur mér frá ein­stak­ling­um sem ég hitti fyr­ir mörg­um árum, jafn­vel árautug­um, eru alrang­ar. Þess­ar sög­ur gætu verið 30 ára eða 30 daga gaml­ar. Nei þýðir alltaf nei. Það er lína sem ég fór ekki yfir. Sam­ræði sem ég átti með þess­um kon­um var með samþykki. Það er erfitt að ef­ast ekki um tíma­setn­ingu birt­ingu þess­ara frá­sagna. Ég veit ekki með vissu hvers vegna þær eru að koma upp á yf­ir­borðið núna en ég veit þetta: Ég beitti þess­ar kon­ur ekki of­beldi,“ seg­ir Noth í yf­ir­lýs­ingu til CNN.

Í „The Equalizer“ leik­ur hinn 67 ára gamli Noth fyrr­ver­andi for­stjóra CIA, William Bis­hop. Hann mun sjást í ein­um vænt­an­leg­um þætti af serí­unni sem þegar hef­ur verið tek­inn upp og í mögu­leg­um end­ur­sýn­ing­um þeirra þátta sem hafa nú þegar verið sýnd­ir.

Seint í síðustu viku ákvað umboðsskrif­stof­an A3 Art­ists Agency að hætta að vinna fyr­ir Noth. Frá þessu greindi talsmaður skrif­stof­unn­ar í sam­tali við CNN á laug­ar­dag­inn sl.

Þá hef­ur aug­lýs­ing sem Noth lék í fyr­ir Pelot­on verið tek­in niður, að því er CNN grein­ir frá.

Í fyrsta þætti HBO Max þáttaserí­unn­ar „And Just Like That...“, sem eru einskon­ar fram­haldsþætt­ir af Sex and the City, lést per­són­an sem Noth leik­ur úr hjarta­áfalli.

Cynt­hia Nixon, Sarah Jessica Par­ker og Krist­in Dav­is, fyrr­ver­andi mót­leik­kon­ur Noth úr Sex and the City, hafa gefið út sam­eig­in­lega yf­ir­lýs­ingu á sam­fé­lags­miðlin­um Twitter, þar sem þær segj­ast miður sín yfir ásök­un­un­um á hend­ur Noth.

„Við styðjum þær kon­ur sem komið hafa fram og deilt sárs­auka­full­um raun­um sín­um. Við vit­um að það hef­ur ör­ugg­lega ekki verið auðvelt og hrós­um þeim fyr­ir það.“