Það er ekki hægt að segja að það hafi ekki verið neitt að frétta 2021. Eitt af þeim mál­um sem var mikið í frétt­um á ár­inu var vefsiðan On­lyf­ans. Fjöl­marg­ir Íslend­ing­ar sáu sæng sína út­reidda og græddu pen­inga á því að selja aðgang að eró­tísku efni. Svo voru aðrir sem kláruðu há­skóla­nám eða fengu spenn­andi starf. 

Klara Sif Magnús­dótt­ir. Screens­hot/​In­sta­gram

Það ætlaði allt um koll að keyra þegar Smart­land greindi frá því að Klara Sif Magnús­dótt­ir hefði grætt 15 millj­ón­ir eft­ir að hún hóf að birta djarf­ar mynd­ir af sér á On­lyf­ans. 

„Ég bjóst ekki við því að græða svona mikið á neinu. Ég bjó til On­lyf­ans-aðgang í fyrra í ág­úst. Ég er þannig dýpa að ég nenni aldrei að vera í nein­um felu­leik svo ég póstaði þessu á In­sta­gram,“ sagði Klara í viðtali á ár­inu. 

Frétt af mbl.is

Klara hef­ur grætt 15 millj­ón­ir á nekt­ar­mynd­um

Sigrún Guðjóns­dótt­ir. mbl.is/​Eggert Jó­hann­es­son

Mér fannst frá­bært að vera rek­in

Sigrún Guðjóns­dótt­ir var í frétt­um á ár­inu en í viðtali við tíma­rit Smart­lands sagði hún frá því hvernig hún hefði náð að hjálpa kon­um um all­an heim að láta drauma sína ræt­ast. Sigrún er há­menntuð og seg­ir að kon­ur þurfi að hugsa meira um veltu­töl­ur. 

„Það kost­ar að hafa áhrif og breyta heim­in­um og kon­ur eru betri í því að láta pen­inga gera góða hluti. Ég hef haft yfir millj­arð í tekj­ur á sjö árum. Ég býst við yfir millj­arði í tekj­ur á þessu ári. Ég er ekki að afla tekna til að sitja á pen­ing­um held­ur til að hafa áhrif og breyta heim­in­um, á sama tíma mun ég auðvitað láta drauma mína ræt­ast,“ sagði Sigrún í viðtali við Smart­land. 

Frétt af mbl.is

„Mér finnst bara frá­bært að vera rek­in“

Missti stjórn á neysl­unni og snéri við blaðinu

Dag­björt Rúriks­dótt­ir tón­list­armaður og fyrr­ver­andi feg­urðardrottn­ing var tölu­vert í frétt­um á ár­inu. Hún sagði við því í viðtali við Smart­land að hún notaði neyslu­sög­una sína til þess að fá inn­blást­ur á tón­list­ar­sviðinu. 

„Ég gafst upp eft­ir að ég hafði misst stjórn á neysl­unni um helg­ar og lífið snér­ist bara um að vinna fyr­ir helg­inni, klára mig þá og bíða svo eft­ir næsta „viðeig­andi“ tæki­færi til að gleyma aft­ur. Þetta hef­ur verið alls kon­ar og ég hef klár­lega ekki hætt að gera mis­tök eða sýnt fram á mik­inn breysk­leika en í fyrsat sinn á ævi minni er ég meðvituð um það og hef þar af leiðandi tæki­færi til að gera bet­ur og bet­ur á hverj­um degi,“ sagði Dag­björt. 

Frétt af mbl.is

Missti stjórn á neysl­unni og sneri við blaðinu

Sunn­eva út­skrifaðist 

Áhrifa­vald­ur­inn og viðskipta­fræðing­ur­inn, Sunn­eva Eir Ein­ars­dótt­ir, út­skrifaðist sem viðskipta­fræðing­ur í sum­ar. Hún kláraði BS-gráðu í viðskipta­fræði við Há­skóla Íslands. Í viðtali við Smart­land sagði hún frá því að rit­gerðin henn­ar hafi fjallað um hlaðvörp sem markaðstól. 

Frétt af mbl.is

Sunn­eva út­skrifuð og set­ur stefn­una á fram­halds­nám

Sverr­ir Berg­mann. mbl/ Eggert Jó­hann­es­son

Sverr­ir Berg­mann orðinn stærðfræðikenn­ari 

Tón­list­armaður­inn Sverr­ir Berg­mann stækkaði lífið á ár­inu með því að ger­ast stærðfræðikenn­ari við Mennta­skól­ann Ásbrú. Hann er reynd­ar bara í 50% starfi og sagði hann að þetta passaði vel með öðru sem hann væri að gera. 

Frétt af mbl.is

Sverr­ir Berg­mann orðinn stærðfræðikenn­ari

Ing­unn Agnes Kró dúxaði.

Ing­unn Agnes dúxaði

Ing­unn Agnes Kro komst í frétt­ir á ár­inu þegar hún dúxaði í MBA námi við Há­skóla Íslands. 

„Ég held utan um eign­ar­halds­fé­lög í eigu 14 líf­eyr­is­sjóða, Jarðvarma, sem á helm­ings­hlut í HS Orku. Þá sit ég í stjórn HS Orku, Ice­land Sea­food In­ternati­onal, Sjóvár, fram­taks­sjóðins Freyju og Vot­lend­is­sjóðs,“ sagði hún í viðtali á Smartlandi. 

Hvernig var að dúxa?

„Það var mjög gam­an að dúxa. Ég hef reynd­ar dúxað áður og fengið ýmis verðlaun fyr­ir náms­ár­ang­ur, bæði við Verzl­un­ar­skól­ann og laga­deild Há­skóla Íslands. 

Frétt af mbl.is

Dúxaði MBA-námið í Há­skóla Íslands

Krist­ín Hild­ur Ragn­ars­dótt­ir. mbl.is/​Krist­inn Magnús­son

Kon­ur hrædd­ari við að tapa pen­ing­um

Hag­fræðing­ur­inn Krist­ín Hild­ur Ragn­ars­dótt­ir fjár­mála­hag­fræðing­ur sagði frá því í viðtali á Smartlandi hvernig hún byrjaði að fjár­festa þegar hún var í kring­um 25 ára ald­ur. Hún gekk til liðs við Fort­una In­vest fyrr á þessu ári og hef­ur In­sta­gram-reikn­ing­ur þeirra verið vin­sæll. 

„Ég byrjaði mína fjár­fest­inga­veg­ferð ekki fyrr en ég var 25 ára og ég hefði viljað að hún hefði byrjað miklu fyrr. Fram að því hafði ég verið með pen­ing­ana mína inni á banka­bók þar sem þeir tapa verðgildi sínu út af nei­kvæðum raun­vöxt­um, sem eru vegna verðbólgu. Síðan fór ég að gera mér grein fyr­ir að flest­ir sem ég þekki sem voru að fjár­festa eða þekktu eitt­hvað til í geir­an­um voru aðallega karl­kyns,“ sagði Hild­ur. 

Fort­una In­vest: Aníta Rut Hilm­ars­dótt­ir, Rósa Krist­ins­dótt­ir og Krist­ín Hild­ur Ragn­ars­dótt­ir.