Blue Ivy Carter, elsta barn ofurparsins Beyoncé Knowles og Jay-Z, varð tíu ára 7. janúar síðastliðinn. Á myndinni sem amma hennar, Tina Knowles, birti á Instagram er Blue algjör töffari og mjög fullorðinsleg. 

„Blue er steingeitartvíburinn minn. Ég vonaðist til þess að hún myndist fæðast á afmælisdaginnn minn en hún gerði það sem hún hefur alltaf gert; kom þegar hún var tilbúin, þremur dögum seinna, en við eigum samt sérstakt samband,“ skrifar Knowles um dótturdóttur sína. 

Blue hefur fetað í fótspor foreldra sinna og fengið að taka þátt í að gera tónlist með móður sinni. Þá hlaut hún Grammy-verðlaun ásamt móður sinni fyrir besta tónlistarmyndbandið, en hún söng lagið Brown Skin Girl.