Birta Sig­munds­dótt­ir starfar sem fram­leiðslu­stjóri í Out­put Operati­ons á BBC News. Hún flutti til Bret­lands fyr­ir fimm árum með kær­asta sín­um og dótt­ur þeirra sem þá var tveggja ára, til að stunda meist­ara­nám við London School of Economics.

Upp­haf­lega ætluðu þau bara að búa London í eitt ár á meðan hún kláraði námið, en þar eru þau, fimm árum seinna, og ein­hvern veg­inn ekk­ert á leiðinni heim.

„Við höf­um í raun aldrei tekið umræðuna um hversu lengi við ætl­um að búa hérna eða hvenær við flytj­um nú aft­ur heim – það er bara svo ótrú­lega gott að vera hérna svo maður hef­ur ein­hvern veg­inn ílengst án þess að átta sig á því,“ seg­ir Birta.

Hvað heillaði þig við London þegar þú flutt­ir þangað?

„Klár­lega fólkið og menn­ing­in, eins klisju­lega og það hljóm­ar. Það er ofsa­lega gott að vera í London, svo af­slappað and­rúms­loft þrátt fyr­ir að vera fjöl­menn borg og við elsk­um að geta hoppað upp í lest sem fer með okk­ur hvert sem er. Ég fór í helg­ar­ferð til London fyr­ir tíu árum með vin­konu minni og ég man hvað okk­ur fannst London stór og flók­in borg. Eft­ir langa versl­un­ar­daga hugsaði ég með mér að ég gæti aldrei hugsað mér að búa hérna.

Núna hef ég áttað mig á því að þú þarft bara að læra aðeins á borg­ina, upp­götva önn­ur hverfi, læra á lest­ar­kerfið og þá lær­irðu að meta borg­ina bet­ur. Lest­ar­kerfið utan London er líka frá­bært og mikið frelsi að geta hoppað upp í lest og farið í dags­ferð til til dæm­is Bright­on, Oxford eða Cambridge. Mýt­an um að það sé alltaf rign­ing og vont veður í Bretlandi er líka bara ekk­ert alltaf sönn. Vet­urn­ir hafa verið frek­ar mild­ir og sumr­in frá­bær – og það heill­ar auðvitað litla Íslend­ing­inn í manni.“

Ragn­hild­ur Edda fær að stjórna för um helg­ar. Ljós­mynd/​Aðsend

Hvaða hverfi eru í upp­á­haldi hjá þér?

„Svo mörg. Í Greenwich, sem er sunn­an Thames, líður okk­ur lík­lega best og við eyðum heilu dög­un­um þar um helg­ar. Íslensk­ir vin­ir okk­ar búa þar og grín­ast mikið með að við séum þar meira en þau - það er bara svo af­slappað um­hverfi, sér­stak­lega fyr­ir barna­fólk, og mik­ill fíl­ing­ur, góðir mat­ar­markaðir, frá­bær al­menn­ings­garður og sturlað út­sýni yfir London. Hvað fleira get­urðu beðið um?

Ann­ars elsk­um við að labba um Shor­ed­itch og South Bank, labba upp á Primrose Hill við Camd­en-markaðinn og labba um Victoria Park. Ég vinn við Oxford Street og reyni því að forðast að eyða frí­dög­un­um þar í kring eða á öðrum fjöl­menn­um túrista­stöðum; ég held að því leng­ur sem fólk býr í London því meira dragi úr áhuga þess á því að vera á þess­um stöðum sem borg­in er þekkt fyr­ir, því borg­in hef­ur upp á svo miklu meira að bjóða.“

Áttu þér upp­á­haldsveit­ingastað?

„Það er ótrú­leg­ur fjöldi af góðum veit­inga­stöðum í London og erfitt að velja bara einn. En sá fyrsti sem kem­ur í hug­ann er Ping Pong, sem er asísk­ur staður sem á hug okk­ar og hjarta. Dims­um, asískt fusi­on og klikkuð stemn­ing. Mæli með fyr­ir alla sem eru á leiðinni til London. Ann­ars erum við ofsa­lega hrif­in af mat­ar­mörkuðum, sem eru mjög vin­sæl­ir í London og okk­ur finnst dá­sam­legt að rölta um í ró­leg­heit­un­um og smakka eitt­hvað nýtt.“

Birta, Edda og Daní­el Ljós­mynd/​Aðsend

Hvernig er að ala upp barn í stór­borg?

„Það er í raun ekk­ert mál. Börn aðlag­ast svo hratt og Ragn­hild­ur Edda, sem er bara kölluð Edda hérna úti, þekk­ir í raun ekk­ert annað. Það er samt skrítið að hugsa til þess að hún sé núna búin að búa leng­ur í Bretlandi en á Íslandi. Við búum aust­ur af London og þar eru ofsa­lega góðir skól­ar. Hún á mjög góða vini þar og líður mjög vel. Ég væri samt að ljúga ef ég segði að það væri ekki erfitt að hafa ekk­ert bak­land hérna úti, sér­stak­lega í Covid þegar við við vor­um bund­in heima flest kvöld og fór­um lítið út. En við höf­um bara alltaf látið hlut­ina ganga og það hef­ur í raun aldrei haft áhrif á okk­ur. Ég held við séum mögu­lega orðin of vön því að vera bara við þrjú og líður oft­ast best þannig.

Um helg­ar erum við samt mjög dug­leg að hitta vini okk­ar sem búa út um alla London og eiga þau flest öll börn þannig að það er alltaf nóg um að vera. Við höf­um til­einkað okk­ur hinn svo­kallaða bíl­lausa lífs­stíl og mynd­um ekki vilja hafa það öðru­vísi. Helgarn­ar okk­ar byrja yf­ir­leitt á því að hoppa upp í lest og Edda fær oft­ast að ráða hvar við end­um. Við löbb­um líka mjög mikið og það hjálp­ar hvað það er mikið af stór­um al­menn­ings­görðum sem heilla börn sem og full­orðna.“

Mæðgur í sól og blíðu. Ljós­mynd/​Aðsend

Hvað er ómiss­andi upp­lif­un í London?

„Það fyrsta sem mér dett­ur í hug eru öll grænu svæðin þar sem er út­sýni yfir London. Primrose Hill, Greenwich Park og Hamp­stead Heath eru allt frá­bær­ir garðar og með ólíkt út­sýni yfir London. Við höf­um líka mjög gam­an af Uber Boats, sem sigl­ir upp og niður Thames og virk­ar í raun eins og neðanj­arðarlest­in, stopp­ar reglu­lega svo þú get­ur hoppað út hvar sem er. Öðru­vísi upp­lif­un á London og gott stund­um að sleppa við lest­ina. Það eru líka ótrú­lega mörg skemmti­leg söfn í London, eins og Natural History Muse­um, sem eru ókeyp­is og full­kom­in fyr­ir barna­fólk og svo eru sýn­ing­ar eins og Lion King sem ættu að vera skil­yrði fyr­ir alla sem koma í heim­sókn – því þær eru á allt öðrum mæli­kv­arða en ég hef upp­lifað áður.“

Hvernig er drauma­dag­ur­inn með vin­um í London?

„Í góðu veðri þarf það ekki að vera flókn­ara en skemmti­leg­ur al­menn­ings­garður, teppi og góður mat­ur. Rölta sam­an um skemmti­leg hverfi og markaði og enda á klass­ísk­um bresk­um pöbb í Sunday Roast, sem er mjög vin­sælt hjá Bret­um á sunnu­dög­um.“

Það á það til að rigna í London en það stopp­ar ekki þær mæðgur í að eiga góða upp­lif­un í borg­inni. Ljós­mynd/​Aðsend