Vöggustofur í Reykjavík | 21. júlí 2022
Markmiði Réttlætis náð
Markmiði Réttlætis, hóps sem vakið hefur athygli á slæmum starfsaðferðum sem var beitt á vöggustofum í Reykjavíkurborg, var loksins náð í dag þegar að borgarráð samþykkti skipun nefndar sem á að fara með heildstæða athugun á starfsemi vöggustofunnar að Hlíðarenda og Vöggustofu Thorvaldsensfélagsins. Þetta segir Árni H. Kristjánsson, sagnfræðingur og einn af fulltrúum Réttlætis.
Markmiði Réttlætis náð
Vöggustofur í Reykjavík | 21. júlí 2022
Setja bókamerki
Markmiði Réttlætis, hóps sem vakið hefur athygli á slæmum starfsaðferðum sem var beitt á vöggustofum í Reykjavíkurborg, var loksins náð í dag þegar að borgarráð samþykkti skipun nefndar sem á að fara með heildstæða athugun á starfsemi vöggustofunnar að Hlíðarenda og Vöggustofu Thorvaldsensfélagsins. Þetta segir Árni H. Kristjánsson, sagnfræðingur og einn af fulltrúum Réttlætis.
Markmiði Réttlætis, hóps sem vakið hefur athygli á slæmum starfsaðferðum sem var beitt á vöggustofum í Reykjavíkurborg, var loksins náð í dag þegar að borgarráð samþykkti skipun nefndar sem á að fara með heildstæða athugun á starfsemi vöggustofunnar að Hlíðarenda og Vöggustofu Thorvaldsensfélagsins. Þetta segir Árni H. Kristjánsson, sagnfræðingur og einn af fulltrúum Réttlætis.
„Mér líst bara mjög vel á þetta. Aðalatriðið er að það er komin rannsóknarnefnd og svo vonumst við til í Réttlæti að nefndin taki tillit til ábendinga okkar,“ segir Árni í samtali við mbl.is.
/frimg/1/28/62/1286226.jpg)
Hann segir þetta hafa verið mikilvægt skref en bindur þó enn vonir við að ekki verði um athugun að ræða, líkt og kveðið er á um í starfslýsingu nefndarinnar, heldur um almennilega rannsókn. Þá þykir honum markmið nefndarinnar, varðandi hvað nákvæmlega hún á að komast til botns í, enn nokkuð óljós.
Knappur tími
Í tilkynningu Reykjavíkurborgar í dag segir að miðað sé við að nefndin ljúki störfum eigi síðar en 31. mars 2023.
Að mati Árna er þetta heldur knappur tími fyrir þriggja manna nefnd til að ráðast í almennilega rannsókn en vekur þó athygli á að hún hafi heimild til að kalla til sérfræðinga.
„Það er ekki hægt að kafa mjög djúpt á svona knöppum tíma en þeir hafa eflaust þurft að setja niður einhverja dagsetningu í framtíðinni. Þetta er ekkert endanlegt og yfirleitt er þetta framlengt eftir þörfum.“
Þessi áfangi lokamarkmiðið
Árni kveðst þó ánægður með áfangann sem náðist í dag, enda hafi þetta ávallt verið lokamarkmiðið þegar hann og Hrafn Jökulsson, annar fulltrúi Réttlætis, ákváðu að leggja af stað saman í þessa baráttu, að fara fram á að rannsókn á starfsemi vöggustofanna yrði gerð.
„Þetta er það sem stefnt var að alveg frá upphafi og nú er bara öllum markmiðum náð í sjálfu sér. Maður getur ekki verið annað en ánægður með það. Þegar við Hrafn lögðum af stað á sínum tíma í upphafi árs 2019, þá var þetta alltaf lokamarkmiðið, að koma þessum máli í þann farveg að það myndi að lokum leiða til rannsóknar.“
/frimg/1/28/62/1286226.jpg)
