Ingi­björg Sól­rún Gísla­dótt­ir, fyrr­ver­andi ut­an­rík­is­ráðherra og formaður Sam­fylk­ing­ar­inn­ar, seg­ist hafa beðið Jón Bald­vin Hanni­bals­son, fyrr­ver­andi ut­an­rík­is­ráðherra, um að segja sig frá heiðurs­sæti á lista Sam­fylk­ing­ar­inn­ar í Reykja­vík fyr­ir þing­kosn­ing­arn­ar vorið 2007 eft­ir að hafa fengið vitn­eskju um mál þar sem Jón Bald­vin var sakaður um kyn­ferðis­brot.

„Hann varð við þess­ari ósk minni en í stað þess að láta þar við sitja og sýna svo­litla iðrun og hug­ar­ang­ur vegna fram­ferðis síns fór hann rak­leiðis í Silf­ur Eg­ils og vældi yfir því að ég hefði hafnað hon­um í heiðurs­sætið á póli­tísk­um for­send­um. Þetta gerði hann vit­andi að ég gæti aldrei sagt op­in­ber­lega hver var hin raun­veru­lega ástæða fyr­ir því að ég vildi hann ekki í heiðurs­sætið. Það var svo ekki fyrr en 5 árum síðar, þegar Guðrún Harðardótt­ir steig fram, sem ástæðan varð heyr­in­kunn,“ skrif­ar Ingi­björg Sól­rún í Face­book-færslu sinni.

Til­efnið er grein sem birt­ist í Stund­inni um dag­bókar­færsl­ur Þóru Hreins­dótt­ur frá ár­inu 1970. Hún var þá 15 ára nem­andi Jóns Bald­vins í Mela­skóla og ræðir þar um meint brot hans gagn­vart henni.

Ljót­ur og ójafn leik­ur

Ingi­björg Sól­rún seg­ist hafa lesið aft­ur „all­ar þær 23 sög­ur sem safnað hef­ur verið sam­an af kyn­ferðis­brot­um og áreiti JBH á ára­tuga tíma­bili“. Í ljós hafi komið ákveðið munst­ur þar sem hann hafi hagað sér eins og rán­dýr sem velji bráð sína af kost­gæfni.

„Þetta er lýs­ing á ótrú­lega ljót­um og ójöfn­um leik þar sem kenn­ar­inn, skóla­meist­ar­inn, ráðherr­ann og sendi­herr­ann mis­beit­ir valdi sínu og sæk­ir að ung­lings­stúlk­um,“ skrif­ar hún og spyr í fram­hald­inu hvort ekki sé nóg komið.

Jón Bald­vin í Héraðsdómi Reykja­vík­ur í fyrra. mbl.is/Á​rni Sæ­berg

„Aldrei viður­kennt mis­gjörðir sín­ar“

„Ég skrifa þetta vegna þess að Jón Bald­vin Hanni­bals­son hef­ur aldrei viður­kennt mis­gjörðir sín­ar og enn láta marg­ir þær sér í léttu rúmi liggja af því þeim finnst JBH hafa lagt svo margt af mörk­um í ís­lenskri póli­tík. Það kem­ur þessu máli hins veg­ar ekk­ert við og menn kom­ast aldrei fram hjá þeirri staðreynd að þann orðstír sem JBH ávann sér á hinum póli­tíska vett­vangi hef­ur hann sjálf­ur lít­ilsvirt með því að mis­beita því valdi sem hon­um var falið gagn­vart fjöl­mörg­um ung­lings­stúlk­um og kon­um. Þar er ekki öðrum um að kenna,“ skrif­ar Ingi­björg Sól­rún og þakk­ar Val­gerði Þor­steins­dótt­ur, dótt­ur Þóru, fyr­ir að birta dag­bókar­færsl­una.

Einnig þakk­ar hún tón­list­ar­mann­in­um Bjarna Frí­manni Bjarna­syni fyr­ir að sýna kjark með því að greina frá því op­in­ber­lega að fyrr­ver­andi tón­list­ar­stjóri Sin­fón­íu­hljóm­sveit­ar Íslands hafi brotið á hon­um kyn­ferðis­lega.

Frétt af mbl.is

Seg­ir Árna hafa brotið á sér kyn­ferðis­lega