Love Is­land-stjörn­urn­ar Dami Hope og Ind­iyah Polack voru svo sann­ar­lega ánægðar með ferð sína til Íslands á dög­un­um. Parið naut alls þess besta sem Ísland hef­ur upp á að bjóða og flaug heim með full­ar tösk­ur af ís­lensk­um úti­vistarfatnaði. 

Hope og Polack voru í átt­undu þáttaröð af Love Is­land og kynnt­ust í þátt­un­um. Þau eru bæði áhrifa­vald­ar en hún starfar meðal ann­ars fyr­ir markaðstorg Pretty Little Thing. 

Sam­sett mynd

Sýndu þau bæði mikið frá ferðinni á In­sta­gram og merktu hvert fyr­ir­tækið á fæt­ur öðru í færsl­ur sín­ar. Fóru þau í ís­hella­ferð, Bláa lónið, Sky Lagoon og svo auðvitað á djammið, en þau brugðu und­ir sig betri fæt­in­um á næt­ur­klúbbn­um Auto. 

Sam­sett mynd

Parið flaug með Play til og frá Íslandi, og fóru fögr­um orðum um flug­fé­lagið á sam­fé­lags­miðlum sín­um. Þá voru þau með bíla­leigu­bíl frá Hertz og virt­ust ánægð með hann líka. Áður en þau héldu aft­ur heim til Bret­lands komu þau svo við í 66°Norður og fóru ekki tóm­hent heim.