Skipulagsnefnd Grindavíkurbæjar hefur hafnað umsókn Samherja um byggingarleyfi fyrir seiðahús við Laxeldisstöðina Stað vestan Grindavíkur. Ástæðan er sú að áformin samræmast ekki gildandi deiliskipulagi fyrir svæðið.
Skipulagsnefnd Grindavíkurbæjar hefur hafnað umsókn Samherja um byggingarleyfi fyrir seiðahús við Laxeldisstöðina Stað vestan Grindavíkur. Ástæðan er sú að áformin samræmast ekki gildandi deiliskipulagi fyrir svæðið.
Skipulagsnefnd Grindavíkurbæjar hefur hafnað umsókn Samherja um byggingarleyfi fyrir seiðahús við Laxeldisstöðina Stað vestan Grindavíkur. Ástæðan er sú að áformin samræmast ekki gildandi deiliskipulagi fyrir svæðið.
Fram kemur í fundargerð skipulagsnefndar að byggingin sé staðsteypt með yleiningar á þaki. Þá er stærð hússins 2.743,1 fermetrar, en 250 fermetrar af byggingunni fara út fyrir byggingarreit.
„Skipulagsnefnd beinir því til umsækjanda að senda inn tillögu að breyttu deiliskipulagi til nefndarinnar,“ segir í fundargerðinni.
Samherji fiskeldi áformar stórfellda uppbyggingu landeldis á Reykjanesi og er seiðahúsið hluti af þeirri fjárfestingu. Samtals hyggst Samherji fjárfesta um 60 milljörðum í eldi á næstu árum og er gert ráð fyrir að komið verður á laggirnar um 40 þúsund tonna landeldisstöð á Reykjanesi. Gert er ráð fyrir því að bygging seiðaeldisstöðvarinnar kosti um það bil milljarð króna.