Love is Blind-stjarn­an og píla­tesþjálf­ar­inn Raven Ross er stödd á Íslandi um þess­ar mund­ir. Hún hef­ur birt nokkr­ar mynd­ir frá ferðalag­inu á in­sta­gram. Hún virðist vera hér á landi á veg­um skyr­gerðar­inn­ar Sigg­i's, en það er Sig­urður Kjart­an Hilm­ars­son, eða Siggi skyr eins og hann er oft kallaður, sem er stofn­andi fyr­ir­tæk­is­ins.

Ross tók þátt í þriðju þáttaröð raun­veru­leikaþátt­anna Love is Blind á streym­isveit­unni Net­flix, en hún starfar sem píla­tesþjálf­ari. Hún virðist strax vera hug­fang­in af Íslandi. 

Ross fór í göngu­ferð um Reykja­vík þar sem hún skoðaði meðal ann­ars Hörp­una. Skjá­skot/​In­sta­gram

Íslands­ferð með þjálf­ur­um, kokk­um og nær­ing­ar­fræðing­um

Nokkr­ir áhrifa­vald­ar eru stadd­ir hér á klak­an­um með Ross, þar á meðal kokk­ur­inn My Nguyen og nær­ing­ar­fræðing­ur­inn Ilana Muhl­stein. Þau hafa notið vetr­arp­ara­dís­ar­inn­ar sem Ísland býður upp á um þess­ar mund­ir og fóru meðal ann­ars í ferð út á land á gríðar­stór­um jeppa og snæddu dýr­ind­is máltíðir á veit­inga­stöðum í miðborg­inni.