Dagopn­un verður í neyðar­skýl­un­um í Reykja­vík í dag. Þau verða jafn­framt opin á miðviku­dag, gangi spár um mik­inn kulda eft­ir. Skýl­in hafa verið opin um helg­ina.

Neyðaráætl­un er virkjuð í rauðum og app­el­sínu­gul­um veðurviðvör­un­um þegar fólki er al­mennt ráðlagt að halda sig inni við. Hún er líka virkjuð í miklu frosti, að því er kem­ur fram í til­kynn­ingu frá Reykja­vík­ur­borg.

Frétt af mbl.is

Opna neyðar­skýl­in all­an sól­ar­hring­inn vegna kulda

Mark­mið neyðaráætl­un­ar­inn­ar er að tryggja að upp­lýs­ing­ar um slæmt veður og breytt­an opn­un­ar­tíma neyðar­skýla ber­ist gest­um neyðar­skýla og öðrum sem kunna að vera í ótrygg­um aðstæðum.

VoR-teym­inu, stjórn­end­um neyðarúr­ræða fyr­ir heim­il­is­lausa, bráðamót­töku Land­spít­al­ans, lög­reglu, Rauða kross­in­um og öðrum sem koma að þjón­ustu við heim­il­is­laust fólk í Reykja­vík er gert viðvart.

Alltaf er fylgst með veður­spám og til­kynn­ing­um frá al­manna­vörn­um og brugðist við í hvert sinn sem þörf er á, seg­ir í til­kynn­ing­unni.

Hér má finna nán­ari upp­lýs­ing­ar um neyðar­skýl­in og aðra þjón­ustu við heim­il­is­laust fólk í Reykja­vík.