Sak­sókn­ari í Nýju Mexí­kó í Banda­ríkj­un­um hef­ur látið niður falla hluta ákæru gegn leik­ar­an­um Alec Baldw­in. Er það sá hluti er snýr að skot­vopna­b­urði. Ef Baldw­in hefði verið sak­felld­ur fyr­ir að hand­leika skot­vopnið hefði hann átt yfir höfði sér lengri fang­els­is­dóm. 

Málið varðar and­lát töku­manns­ins Halynu Hutchins við tök­ur á kvik­mynd­inni Rust í októ­ber 2021.

Frétt af mbl.is

Form­leg ákæra gef­in út

Á 18 mánaða fang­elsi yfir höfði sér

Baldw­in er samt sem áður ákærður í tveim­ur liðum fyr­ir mann­dráp af gá­leysi og á yfir höfði sér allt að 18 mánaða fang­elsi verði hann sak­felld­ur.

Ef hann hefði verið sak­felld­ur fyr­ir að bera skot­vopnið hefði það þýtt að minnsta kosti fimm ára fang­elsis­vist til viðbót­ar. 

Sak­sókn­ar­inn Heather Brewer í Santa Fe sagði að embættið hefði ákveðið að láta þenn­an hluta falla niður til að forðast það að málið dræg­ist á lang­inn. 

Leik­stjóri Rust, Joel Souza, varð einnig fyr­ir skoti í tök­um. Hann særðist og var flutt­ur á sjúkra­hús í kjöl­farið.