Fimm hinna ákærðu í Banka­stræti Club mál­inu svo­kallaða neituðu sök í átök­um sem upp komu á Banka­stræti club við þing­fest­ingu máls­ins. Eru þeir all­ir ákærðir fyr­ir hlut­deild að lík­ams­árás og er þetta þriðja holl dags­ins. Einn sem boðaður hafði verið til þing­fest­ing­ar komst ekki þar sem hann var er­lend­is. Hafa því alls 16 mætt fyr­ir dóm­inn í dag. 

Síðasta holl dags­ins kem­ur síðdeg­is fyr­ir dóm­inn og munu þrír mæta þar. Eft­ir það eiga sex eft­ir að taka af­stöðu til sak­argifta og munu þeir gera það í fyr­ir­töku síðar í vik­unni.

Röð að kom­ast að í héraðsdómi í dag. mbl.is/​Eggert Jó­hann­es­son

All­ir sem komu í þriðja holli og neituðu sök neituðu jafn­framt að staðfesta að svo stöddu að þeir hefðu verið á staðnum yfir höfuð þegar átök­in áttu sér stað.   

Bauð dóm­ari þeim sem er er­lend­is að taka af­stöðu til sak­argifta í fjar­fund­ar­búnaði.